فیڈرل بورڈ آف ریونیو نے پاکستان اور چین کسٹمز اشیاء پروٹوکول کا ایس آر او جاری کر دیا

0 232

اسلام آباد(این این آئی) فیڈرل بورڈ آف ریونیو نے پاکستان اور چین کسٹمز اشیاء پروٹوکول کا ایس آر او جاری کر دیا ۔ اعلامیہ کے مطابق ایف بی آر نے ایس آر او نمبر2019/(I)1640جاری کیا ہے تا کہ پاکستان اور چین کے درمیان کسٹمز اشیاء پروٹوکول پر عمل درآمد کیا جاسکے۔ اعلامیہ کے مطابق ایف بی آر نے وزارت تجارت سے مشاورت کے بعد ٹیرف لسٹ شیڈول میں تبدیلی کے بعد ایس آر او تیار کیا ہے ۔اعلامیہ کے مطابق اس ایس آر او کے اجراء کے بعد چین اور پاکستان کے درمیان آزاد تجارت کے معاہدہ کے فیز ٹو کا آغاز یکم جنوری 2020سے ہو گا ، نئے ایس آر او کے اجراء کے بعد پرانا ایس آر اومورخہ 30جون 2007 نافذالعمل نہیں رہے گا ۔اعلامیہ کے مطابق ٹیرف خاتمے کا شیڈول C1’MOP2’MOP1’A15′ A7’A0 اور C2کیٹیگریز پر مشتمل ہے۔ اعلامیہ کے مطابق A0کیٹیگری میں درج 3251ٹیرف لائینز پر کسٹمز ڈیوٹی مکمل طور پر ختم کر دی گئی ہے،ایکم جنوری 2020سے ان اشیاء پر کوئی کسٹمز ڈیوٹی عائد نہیں ہو گی ۔اعلامیہ کے مطابق کیٹیگریA7میں شامل اشیاء پر کسٹمز ڈیوٹی کو دو سال سے سات سال تک بتدریج کم کرتے ہوئے ختم کر دیا جائے گا ۔اعلامیہ کے مطابق کیٹیگری A15میں کسٹمز ڈیوٹی کو چار سال سے پندرہ سال تک بتدریج کم کرتے ہوئے ختم کر دیا جائے گا، مارجن آف پریفرینس میں دو کیٹیگریز شامل ہیں ۔اعلامیہ میں کہاگیاکہ MOP1کیٹیگری میں کسٹمز ڈیوٹی کو پروٹوکول کے نافذالعمل ہونے کے ساتھ ہی بنیادی شرح سے بیس فیصد کم کر دیا جائیگا۔ اعلامیہ میں کہاگیا کہ MOP2کیٹیگری میں شامل اشیاء پر ڈیوٹی کی شرح کو دو سال کے عرصہ میں بنیادی شرح سے بیس فیصد کم کر دیا جائے گا،کیٹیگری C1میں درج اشیاء پر ڈیوٹی کی شرح بنیادی شرح کے مطابق ہی رہے گی، کیٹیگری C2میں درج اشیاء پر کسٹمز ڈیوٹی پر کوئی رعائت نہیں ہو گی۔

You might also like

Leave A Reply

Your email address will not be published.