پاک بھارت جوہری تنصیبات اور سہولیات کی فہرستوں کاسالانہ تبادلہ

0 155

اسلام آباد(ویب ڈیسک) پاکستان اور بھارت کے درمیان جوہری تنصیبات اور سہولیات کی فہرستوں کا سالانہ تبادلہ ہوا ہے ،ترجمان دفتر خارجہ کے مطابق پاکستان اور بھارت کے درمیان جوہری تنصیبات اور تنصیبات کے خلاف حملوں کی ممانعت کے معاہدے پر 31 دسمبر 1988 کو دستخط کر رکھے ہیں ، 27 جنوری 1991 کو اس کی توثیق کی گئی تھی،معاہدے کے مطابق دیگر چیزوں

کے ساتھ ساتھ یہ بھی کہا گیا ہے کہ دونوں ممالک ایک دوسرے کو اپنی جوہری تنصیبات اور تنصیبات کے بارے میں آگاہ کریں گے،معاہدے کے مطابق پاکستان میں جوہری تنصیبات اور تنصیبات کی فہرست باضابطہ طور پر آج وزارت خارجہ میں اسلام آباد میں بھارتی ہائی کمیشن کے نمائندے کے حوالے کی گئی، بھارتی وزارت خارجہ نے نئی دہلی میں پاکستانی ہائی کمیشن کے نمائندے کو بھارت کی نیوکلیئر تنصیبات اور سہولیات کی فہرست بھی حوالے کی،فہرستوں کے تبادلے کا سلسلہ یکم جنوری 1992 سے جاری ہے۔

You might also like

Leave A Reply

Your email address will not be published.