اوپن یونیورسٹی نے ڈیجیٹل ٹرانسفارمیشن کے عمل کا آغاز کردیا

اسلام آباد علامہ اقبال اوپن یونیورسٹی نے انتظامی ٗ مالی اور تدریسی امور میں ڈیجیٹل ٹرانسفارمیشن لانے کے عمل کا آغاز کردیا ہیٗ اس کا بنیادی مقصد یونیورسٹی کی مجموعی امور میں شفافیت لانا اور طلبہ کو بہترین خدمات کی فراہمی ہے۔ہدف کے حصول کے لئے دینا کی دیگر اوپن یونیورسٹیوں کے ماڈلزاور طریقہ کار کو مد نظر رکھا جائے گا۔اس حوالے سے ڈیجیٹل ٹرانسفارمیشن کی اسٹئیرنگ کمیٹی کا اجلاس منعقد ہوا جس میں یونیورسٹی کے تدریسی ٗ سروسنگ اور انتظامی شعبہ جات کے سربراہوں نے شرکت کی تھی۔اجلاس کے دوران اس بات کو دہرایا گیا کہ فاصلاتی نظام تعلیم کو زیادہ موثر بنانے اور یونیورسٹی کی کریڈیبلٹی بڑھانے کے لئے ٹیکنالوجی بیسڈ نیٹ ورک لازمی ہے۔ڈیجیٹل ٹرانسفارمیشن کا عمل وائس چانسلر ٗ پروفیسر ڈاکٹر ضیاء القیوم کی جامعہ کو بتدریج ٹیکنالوجی بیسڈ یونیورسٹی پر منتقل کرنے کے سلسلے کی کڑی ہے۔ ‘ سٹوڈنٹ سروسسز ‘ کو جدید خطوط پر استوار کرنے کے لئے کمپیوٹر ٹیکنالوجی کا استعمال ضروری ہے ۔ توقع ہے کہ ایڈمیشن ٗ امتحانات ٗ ترسیل کتب اور دیگر تدریسی امور میں آٹومیشن اور ‘اسٹیٹ آف دی آرٹ’ٹیکنالوجی کے استعمال کا کام آئندہ ڈیڑھ سال میں مکمل ہو جائے گا۔