سونے کی قیمتوں میں ایک بار پھر بڑا اضافہ

پاکستان میں سونے کی قیمتوں میں آج پھر اضافہ ریکارڈ کیا گیا ہے۔آل پاکستان جیمز اینڈ جیولرز ایسوسی ایشن کے مطابق فی تولہ یکدم 14سو روپے مہنگا ہوا ہے جس کے بعد ملک میں1 تولہ سونا دو لاکھ 54 ہزار نوسو روپے پر پہنچ گیا۔ایسوسی ایشن کے مطابق 10 گرام سونے کی قدر 1201 روپے اضافے سے دو لاکھ 18 ہزار 536 روپے ہوگئی۔اس کے علاوہ عالمی صرافہ بازار میں دن کے دوران 17 ڈالر بڑھ کر سونے کا بھاؤ 2432 ڈالر فی اونس مقرر کیا گیا ہے۔واضح رہے کہ گزشتہ روز ملک میں فی تولہ سونے کی قیمت میں 2سو روپے کا اضافہ ہوا تھا۔