18ویں ترمیم بھی پیپلزپارٹی کا ملک کے عوام کو تحفہ ہے،نواب زہری
کوئٹہ(ویب ڈیسک)پاکستان پیپلزپارٹی کے مرکزی رہنماءسابق وزیراعلیٰ بلوچستان نواب ثناءاللہ زہری نے کہا ہے کہ آئندہ انتخابات میں پاکستان پیپلزپارٹی سب سے بڑی جماعت بن کر ابھرے گی ہمارے خواب پڑھا لکھا بلوچستان ہے قلات کی حالت زار دیکھ کر مجھے ذاتی طور پر دکھ ہواہے جس شخص نے باپ ،داد سے اپنے لوگوں کی خدمت کی ہے وہ آئندہ بھی صوبے کے عوام کی خدمت کرینگے ہمارے قبریں بھی یہاں بنیں گی ان خیالات کااظہار انہوں نے نجی ٹی وی سے گفتگو کرتے ہوئے کیا
اس موقع پر پیپلزپارٹی کے سابق صدر علی مدد جتک ودیگر رہنماءبھی موجود تھے نواب ثناءاللہ زہری نے کہا کہ میں جب بھی قلات کی عوام کی حالت زار دیکھتا ہوں ان کے مسائل دیکھتا ہوں تو مجھے دلی طور پر افسوس ہوتا ہے انشاءاللہ برسراقتدار آکر نہ صرف قلات بلکہ بلوچستان کے عوام کے بنیادی مسائل حل کرنے میں بھرپور طورپر اپنی صلاحیتیں بروئے کار لائینگے جس شخص کے باپ ،داد ا نے یہاں کے عوام کیلئے زندگی وقف کی تھی ہم نے بھی اپنے لوگوں کے ساتھ رہنا ہے ہماری قبریں بھی یہاں بنیں گی ایک سوال کے جواب میں کہا کہ نصیر آباد ہو یا بلوچستان کے دیگر اضلاع میرا ویژن ہے کہ پڑھا لکھا بلوچستان کے عوام آئندہ انتخابات میں پیپلزپارٹی کے نامز د امیدواروں کو ووٹ دینگے ایک اور سوال کے جواب میں نواب ثناءاللہ زہری نے کہا کہ 18ویں ترمیم بھی پاکستان پیپلزپارٹی کا ملک کے عوام کو تحفہ ہے اٹھارویں ترمیم کے تحت تمام اختیارات صوبوں کو منتقل ہوئے ہیں۔