محکمہ خزانہ جدید خطوط پر استوار ہوچکا ہے ، عبدالخالق مندوخیل

خضدار(خ ن)ڈائریکٹر جنرل خزانہ بلوچستان عبدالخالق مندوخیل نے کہاہے کہ محکمہ خزانہ جدید خطوط پر استوار ہوچکا ہے جس سے کام میں مذید آسانی پیدا ہوگئی ہے،عملے کو ہدایت کردی گئی ہے کہ وہ بغیر کسی تاخیرکے شہریوں کو بروقت اور فوری تنخواہوں اور پنشن کی ادائیگی ممکن بنائیں۔ آج میں نے خضدار میں خزانہ آفس کا دورہ کیا تو عملہ متحرک اور ذمہ دارانہ انداز

میں اپنی خدمات سرانجام دے رہا تھا ہماری کوشش ہے کہ یہ ذمہ داریاں تسلسل کے ساتھ اسی طرح نبھائی جائیں اور شہریوں کو کسی قسم کی دقت کا سامنا نہ کرنا پڑے۔ ان خیالات کا اظہار انہوں نے ڈسٹرکٹ خزانہ آفس خضدار کے دورے کے موقع پر گفتگوکرتے ہوئے کیا۔انہوں نے خزانہ آفس میں اسٹاف سے ملاقاتیں کیں ان کے کام کو چیک کیا اور خزانہ آفس خضدار کی کار کردگی پر اطمینان کا اظہار کیا۔اس موقع پر سینئر خزانہ آفیسر خضدارمختار گچکی،پی ایس ٹو ڈی جی خزانہ

بلوچستان عبدالقدیر، منیر احمد لانگو شعیب احمد علی اصغر اور حامد علی بھی موجود تھے۔ جہاں سینئر خزانہ آفیسر خضدارمختار گچکی نے ڈی جی خزانہ بلوچستان عبدالخالق مندو خیل کو خضدار میں خزانہ آفس کے امور کے حوالے سے بریفنگ دی۔ ڈی جی خزانہ بلوچستان عبدالخالق مند وخیل کا کہنا تھاکہ خضدار سمیت پورے بلوچستان میں محکمہ خزانہ کے اسٹاف کو تمام تر ہدایات دی گئی ہیں کہ وہ اپنی ذمہ داریاں خدمت سمجھ کر نبھائیں اور شہریوں کے جائز کام بروقت اور فور حل کیئے جائیں تاکہ انہیں کسی قسم کی دقت اور پریشانی کا سامناکرنا نہ پڑے اس سلسلے میں خزانہ آفس کا عملہ اپنا کام احسن انداز میں سرانجام دے رہاہے۔