ماحولیاتی تبدیلی کے چیلنجز سے نمٹنے کیلئے اقدامات اٹھارہے ہیں،وزیراعلیٰ بلوچستان
کوئٹہ(خ ن) وزیر اعلیٰ بلوچستان میر سرفراز بگٹی سے پاکستان میں عالمی بینک کے ڈائریکٹر ناجی بن حسائن کی قیادت میں ورلڈ بینک کے نمائندہ وفد نے یہاں ملاقات کی ورلڈ بینک کے وفد نے وزیر اعلٰی بلوچستان سے صوبے میں جاری معاونتی منصوبوں سے پر تبادلہ خیال کرتے ہوئے منرل اینڈ مائینز، فشریز ، زراعت اور سیلاب سے متاثرہ علاقوں میں بحالی کے منصوبوں پر ہونے والی پیش رفت سے آگاہ کیا وفد سے بات چیت کرتے ہوئے وزیراعلیٰ نے کہا کہ بلوچستان میں تعلیم ، صحت اور سیلاب متاثرین کی بحالی پر کام جاری ہے گڈ گورننس، توانائی اور ماحولیاتی تبدیلی کے چیلنجز سے نمٹنے کیلئے اقدامات اٹھا رہے ہیں، وزیر اعلیٰ نے کہا کہ عالمی بنک کے وسیع المدتی پروگرامز کے مثبت نتائج برآمد ہوں گے عالمی بنک کے 10 سالہ پروگرام کی حمایت کرتے ہیں بکھری آبادی میں بلوچستان کے دور افتادہ علاقوں میں بنیادی سہولیات پہنچانا مشکل چیلنج ہے عالمی اور قومی اداروں، ڈونرز کی مشاورت سے پائیدار حکمت عملی پر کام کرنے کے خواہشمند ہیں انہوں نے کہا کہ برقی مسائل سے نجات کے لیے کیلئے زرعی ٹیوب ویلوں کو شمسی توانائی پر منتقل کررہے ہیں 18 ویں ترمیم کے بعد صوبوں نے دستیاب وسائل بروئے کار لانے ہیں وزیر اعلیٰ نے کہا کہ بنیادی ڈھانچے اور دور دراز علاقوں میں ترقیاتی منصوبوں کے لئے سوفٹ لون زیر غور لائے جاررہے ہیں انہوں نے کہا کہ صوبے میں 1.3 ملین بچے اسکولوں سے باہر ہیں اسکولوں اور آبادی کے درمیان فاصلے بہت زیادہ، ذرائع مواصلات کا خاطر خواہ نظام نہیں حکومت اسکولوں تک رسائی اور طالب علموں کو فوڈ کی فراہمی پر کام کررہی ہے ورلڈ بینک کے وفد کی بلوچستان میں گڈ گورننس کے قیام کے لئے وزیر اعلٰی کی کاوشوں کی تعریف کرتے ہوئے بلوچستان میں مختلف شعبوں میں سرمایہ کاری کے لئے عالمی و قومی سرمایہ کاروں کی معاونت کا عزم کا اظہار کیا