جرمنی کی ویکسینیشن مہم میں بھیڑ بکریاں بھی شامل
جرمنی کی ویکسینیشن مہم میں بھیڑ بکریاں بھی شامل
روٹی کے لذیذ ٹکڑوں نے تقریباً سات سو بھیڑوں اور بکریوں کے لیے جرمنی کی مہم میں شامل ہونے کی تدبیر کی تاکہ زیادہ سے زیادہ لوگوں کو کورونا وائرس کے خلاف ویکسین لگوانے کی ترغیب دی جا سکے۔
امریکی خبر رساں ادارے ایسوسی ایٹڈ پریس کے مطابق پیر کو جانوروں کو تقریباً 100 میٹر (330 فٹ) سرنج کی شکل میں ہیمبرگ کے جنوب میں شنورڈنگن کے ایک کھیت میں ترتیب دیا گیا تھا۔
آرگنائزر ہانسپیٹر ایٹزولڈ نے کہا کہ ’یہ اقدام ان لوگوں کے لیے تھا جو ابھی تک ویکسین لگوانے سے ہچکچا رہے ہیں۔‘
جرمنی کی حکومت نے کورونا وائرس کی تازہ ترین لہر کو شکست دینے کی کوشش میں ایک تیز رفتار ویکسینیشن مہم کو اپنی اولین ترجیح بنا لیا ہے۔
پیر تک جرمنی میں ویکسین کی دو خوراکیں لینے والوں کی تعداد 71 فیصد ہو چکی ہے۔
حالیہ ہفتوں میں بوسٹر شارٹس لگوانے والوں کی رفتار میں تیزی سے اضافہ ہوا ہے اور وہ کل آبادی کا 38 اعشاریہ نو فیصد ہیں۔
وزارت صحت کے ترجمان نے گذشتہ روز کہا کہ حالیہ ہفتوں میں ویکسین کے بارے میں ہونے والی عوامی بحث نے کچھ افراد کو اپنا خیال بدلنے پر اکسایا ہے۔