مالی وسائل کا ضیاع روکنا اولین ترجیح ہے ،وزیراعلیٰ بلوچستان

وزیر اعلیٰ بلوچستان میر سرفراز بگٹی کی زیر صدارت محکمہ مواصلات و تعمیرات میں آرٹیفیشل انٹیلی کے زریعے روڑز نیٹ ورک کی حالت زار اور جانچ پڑتال سے متعلق اجلاس منعقد ہوا اجلاس میںمصنوعی ذہانت پر مبنی نظام کے تحت سڑکوں کے جائزے سے متعلق بریفنگ دی گئی بریفنگ میں چیف سیکرٹری بلوچستان شکیل قادر جان ، ایڈیشنل چیف سیکرٹری ترقیات زاہد سلیم, پرنسیپل سیکرٹری بابر خان شریک بریفنگ میں ترجمان بلوچستان حکومت شاہد رند، سیکرٹری آئی ٹی ایاز خان مندوخیل اور سیکرٹری مواصلات لعل جان جعفر بھی موجودوزیر اعلیٰ کو سڑکوں کی حالت جانچنے کے لیے اے آئی بیسڈ سسٹم کے خدوخال سے آگاہ کیا گیا نظام کے تحت بلوچستان کے دور دراز علاقوں میں روڑز کی ڈیجیٹل مانیٹرنگ ممکن بنائی جائے گی، وزیراعلیٰ بلوچستان نے کہا کہ بلوچستان کے دور افتادہ علاقوں میں روڑ نیٹ ورک کی دیکھ بھال ایک بڑا چیلنج ہے جدید ٹیکنالوجی کو استعمال میں لا کر ترقیاتی کاموں کی شفاف نگرانی ممکن بنائی جا سکتی ہے روایتی انداز کی نگرانی کے بجائے اب ہمیں ڈیجیٹل اور سمارٹ حل اپنانے ہوں گے سڑکوں کی خستہ حالی عوام کے لیے شدید مشکلات کا سبب بنتی ہے ٹیکنالوجی کے موثر استعمال سے مالی وسائل کے ضیاع کو روکا جا سکتا ہے ہماری ترجیح ہے کہ ہر منصوبہ زمینی حقیقت کے مطابق مکمل ہو سڑکوں کے معیار، مدت اور پائیداری پر کسی قسم کا سمجھوتہ نہیں ہوگا اے آئی کے ذریعے روڑز نیٹ ورک کا جائزہ لینے کے مجوزہ منصوبے کو قابل عمل بنانے کے لئے مزید مشاورت کے بعد حتمی فیصلہ کیا جائے گا۔