سیلاب سے متاثرہ اضلاع میں1200 ہیلتھ کیمپ لگائے جائیں گے،عبدالقادر پٹیل

سیلاب سے متاثرہ اضلاع میں1200 ہیلتھ کیمپ لگائے جائیں گے،عبدالقادر پٹیل

اسلام آباد(ویب ڈیسک)وفاقی وزیر صحت عبدالقادر پٹیل نے کہا ہے کہ سیلاب متاثرین کو طبی سہولیات کی فراہمی کیلئے عملی اقدامات کیے جارہے ہیں،سیلاب سے متاثرہ اضلاع میں تقریبا 1200 ہیلتھ کیمپ لگائے جائیں گے۔ترجمان وزارت صحت کی جانب سے جاری بیان کے مطابق ملک بھر میں سیلاب متاثرین کو صحت کی سہولیات کی فراہمی کو یقینی بنانے کیلئے اقدامات اٹھائے جارہے ہیں ۔وزیر صحت عبدالقادر پٹیل کی ہدایت پر ملک بھر میں سیلاب سے متاثرہ اضلاع میں ہیلتھ کیمپس لگانے کا فیصلہ کیا گیا ہے ۔کیمپس نیشنل ایمرجنسی آپریشن سیل صوبائی ای او سیز اور اغاخان یونیورسٹی کے

اشتراک سے لگائے جائیں گے۔ترجمان کے مطابق وفاقی وزیر صحت عبدالقادر پٹیل نے کہا کہ سیلاب متاثرین کو طبی سہولیات کی فراہمی کیلئے عملی اقدامات کیے جارہے ہیں،سیلاب سے متاثرہ اضلاع میں تقریبا 1200 ہیلتھ کیمپ لگائے جائیں گے ،ہیلتھ کیمپس میں بنیادی صحت کی خدمات فراہم کی جائیں گی۔ انہوں نے کہاکہ کیمپس میں ادویات، اہل بچوں کی ویکسینیشن کی فراہمی کو یقینی بنائیں گے ،جلد کے امراض، آ نکھوں کے انفیکشن، اینٹی ڈائریا کی ادویات بھی فراہم کی جائیں گی، ڈیرہ اسماعیل خان پشاور، ٹانک، کے ہر ضلع میں بھی اسی طرح ہیلتھ کیمپس لگانے جائیں گے۔