محکمہ مواصلات و تعمیرات کے 303 برطرف ملازمین بحال کردیے گئے ہیں، سردار عبدالرحمان کھیتران

محکمہ مواصلات و تعمیرات کے 303 برطرف ملازمین بحال کردیے گئے ہیں، سردار عبدالرحمان کھیتران

کوئٹہ(ویب ڈیسک)صوبائی وزیر مواصلات و تعمیرات سردار عبدالرحمان کھیتران کی زیرصدارت منعقدہ اجلاس میں محکمہ کی مجموعی صورتحال سمیت عرصہ دراز سے برطرف ملازمین کی بحالی پر مشتمل اقدامات کا جائزہ لیا گیا اجلاس میں سیکریٹری علی اکبر بلوچ،محکمہ کے آفسران سمیت ملازمین نے بڑی تعداد میں شرکت کی صوبائی وزیر مواصلات نے خطاب کرتے ہوئے کہا کہ ہماری انتک کوششوں اور

سنجیدہ کاوشوں کا نتیجہ ہے کہ محکمہ مواصلات و تعمیرات کے 303 ملازمین غلط تعیناتی کے شکوک پر برطرف کر دیے گئے تھے جس کی مکمل تحقیقات اور اسناد کی چھان بین مکمل ہونے پر وزیر اعلی بلوچستان میر عبدالقدوس بزنجو اور کابینہ کی منظوری کے بعد محکمہ مواصلات و تعمیرات کے 303 برطرف ملازمین بحال کردیے گئے ہیں جس پر ہم پوری کابینہ کے مشکور ہیں سردار کھیتران نے کہا کہ عوام کو روزگار کی فراہمی اور دیگر سہولیات کی دستیابی ہمارا نصب العین ہے جبکہ صوبائی حکومت وزیر اعلی میر عبدالقدوس بزنجو کی قیادت میں یہاں کے عوام کو روزگار کی فراہمی کے لیے سنجیدگی

سے کوشاں ہیں اجلاس میں اس عزم کا اعادہ کیا گیا کہ عوام کی فلاح و بہبود کیلئے تمام تر اقدامات کئے جائیں گے تاہم اجلاس میں اس امر سے بھی اتفاق کیا گیا کہ محکمہ مواصلات سے منسلک تمام ملازمین اپنی قانونی و اخلاقی ذمہ داری کا احساس کرتے ہوئے عوامی فلاح و بہبود کی فوقیت کو فعال رکھیں گے اس موقع پر موجود ملازمین نے صوبائی وزیر سردار عبدالرحمان کھیتران کی کاوشوں کو سراہتے ہوئے انکا شکریہ ادا کیا اور موجودہ صوبائی حکومت پر مکمل اعتماد کا اظہار کیا۔