ملک بھر میں گرج چمک کے ساتھ شدید بارشیں

خیبرپختونخوا کہ بالائی اضلاع میں آج سے منگل تک تیز ہواؤں اور گرج چمک کیساتھ بارش کا امکان ہے۔پراونشل ڈیزاسٹر مینجمنٹ اتھارٹی (پی ڈی ایم اے) کی جانب سے جاری موسمی انتباہ کہ مطابق کل سے صوبہ کہ بالائی علاقوں کی مغربی ہواؤں کے زیراثر آنے کی پیش گوئی ہے جس کہ باعث دیر، سوات، چترال، کوہستان، بٹگرام، مانسہرہ، شانگلہ، ایبٹ آباد، بونیر، ہری پور، باجوڑ، مہمند، خیبر، پشاور، مالاکنڈ، صوابی، چارسدہ اور نوشہرہ میں آندھی اور گرج چمک کیساتھ بارش جب کہ چند مقامات پر موسلادھار بارش کا بھی امکان ہے۔ترجمان کے مطابق پانچ سے 7 اکتوبر کے دوران مردان ،کرم ، اورکزئی ، وزیرستان، ہنگو، بنوںکوہاٹ، ،لکی مروت، اور ڈیرہ اسماعیل خان میں بھی آندھی اور گرج چمک کیساتھ درمیانی بارش کا امکان ہے۔موسلادھار بارش کہ باعث مانسہرہ، کوہستان ، گلگت بلتستان ،دیر چترال، ، سوات ، نوشہرہ شانگلہ ، اور صوابی کے مقامی ندی نالوں میں پانی کہ بہاؤ میں اضافہ/نشیبی علاقوں میں اربن فلڈنگ اور بالائی علاقوں میں لینڈ سلائیڈنگ کا بھی خدشہ ہے۔پی ڈی ایم اے کی جانب سے تمام ضلعی انتظامیہ کو موسمی صورتحال کہ پیش نظر الرٹ جاری کر دیا گیا ہے۔ پی ڈی ایم اے نے ضلعی انتظامیہ کو جھکڑ چلنے اور گرج چمک کہ باعث کسی بھی ناخوشگوار واقعے سے پیشگی نمٹنے کیلئے ہدایات جاری کر دی گئی ہیں۔ پی ڈی ایم اے نے ہدایت کی ہے کے چھوٹی بڑی مشینری کی دستیابی یقینی بنائی جائے۔تیز ہواؤں کی صورت میں عوام بجلی کی تاروں، بوسیدہ عمارتوں و تعمیرات، سائن بورڈز اور بل بورڈز سے دور رہے، کسان حضرات موسمیاتی پیش گوئی کو مد نظر رکھتے ہوئے اپنے معمولات ترتیب دیں، حساس بالائی علاقوں میں سیاحوں مزید مقامی آبادی کو موسمی حالات سے باخبر رہنے کیلئے احتیاطی تدابیر اپنانے کی ہدایت کی گئی ہے۔پی ڈی ایم اے نے ہدایت کی ہے کے حساس اضلاع میں ضلعی انتظامیہ مقامی آبادی تک پیغامات مقامی زبانوں میں پہنچائیں، کسی بھی ہنگامی صورتحال میں تمام متعلقہ ادارے روڈ لنکس کی بحالی میں چوکس رہیں اور سڑک کی بندش کی صورت میں ٹریفک کے لیے متبادل راستے فراہم کئے جائیں،سیاحوں کو موسمی صورت حال سے آگاہ کیا جائے۔ پی ڈی ایم اے کا ایمرجنسی آپریشن سنٹر مکمل طور پر فعال ہے عوام کسی بھی نا خوشگوار واقعے کی اطلاع پی ڈی ایم اے کی فری ہیلپ لائن (1700) پر دیں۔