انگلینڈ کے آل رانڈر معین علی سری لنکا میں کورونا کا شکار

لندن( ویب ڈیسک )انگلینڈ کے آل رانڈر معین علی ٹیم کے دورہ سری لنکا کے دوران کورونا وائرس کا شکار ہوگئے۔برطانوی نشریاتی ادارے کی رپورٹ کے مطابق 33 سالہ آل رانڈر کا ٹیسٹ سری لنکا روانگی سے قبل منفی آیا تھاتاہم سری لنکا پہنچتے ہی مثبت آیا اور اب وہ 10 روز تک سری لنکا کی حکومت کے قرنطینہ پروٹوکولز کے مطابق آئسولیشن میں چلے جائیں گے

۔معین علی کے قریب رہنے والے ساتھی آل رانڈر کرس ووکس کو بھی آئسولیشن میں رکھا جائے گا اور ٹیسٹ بھی کیے جائیں گے۔رپورٹ کے مطابق ٹیم کا ہمبنٹوٹا ایئرپورٹ پہنچنے کے بعد پی سی آر ٹیسٹ کیا گیا اور اسی دوران معین علی کا ٹیسٹ مثبت آیا۔انگلینڈ کی ٹیم ایک روز آرام کرے گی اور بدھ کو اجازت ملنے کے بعد ٹریننگ شروع کرے گی۔انگلینڈ اور سری لنکا کے درمیان دو ٹیسٹ میچوں کی سیریز ہوگی اور پہلا ٹیسٹ 14 جنوری کو گال میں شروع ہوگا۔معین علی انگلینڈ کے پہلے کھلاڑی ہیں جن کا ٹیسٹ مثبت آیا ہے اس سے قبل ویسٹ انڈیز، پاکستان

، آسٹریلیا اور آئرلینڈ کے خلاف سیریز بغیر کسی کیس کے مکمل ہوئی تھی۔خیال رہے کہ انگلینڈ کی ٹیم اس سے قبل جنوبی افریقہ کا دورہ ادھورا چھوڑ کر واپس آئی تھی جب کیپ ٹان میں ان کے ہوٹل میں کورونا کے کیسز سامنے آئے تھے۔جنوبی افریقہ کے دورے میں انگلینڈ کی ٹیم کے دو کھلاڑیوں کے ٹیسٹ مثبت آئے تھے جو بعد میں غلط نکلے تھے