ماں کے پیٹ میں ہی بچی کے دماغ کا آپریشن

ماں کے پیٹ میں ہی بچی کے دماغ کا آپریشن

امریکی ریاست میساچوسٹس کے شہر بوسٹن میں ایک بچی کے دماغ کی ماں کے پیٹ میں ہی کامیاب سرجری کی گئی ہے اور اب بچی کی پیدائش ہوچکی ہے اور وہ مکمل صحت یاب ہے۔

امریکی نشریاتی ادارے سی این این کی رپورٹ کے مطابق امریکی ماہرین نے سرجری کے پیچیدہ اور جدید طریقے کو استعمال کرتے ہوئے پیدائش سے قبل ہی ماں کے پیٹ میں بچی کے دماغ کا آپریشن کیا۔

تاہم ڈاکٹرز کو جب معلوم ہوا کہ پیدائش سے قبل بچے میں یہ مسئلہ ہے تو انہوں نے ماں کے پیٹ پر کٹ لگانے کے بجائے جدید طریقہ اپناتے ہوئے آپریشن کا منصوبہ بنایا۔

اس طریقہ علاج کے تحت ماں کے پیٹ میں چھوٹی سوئیاں داخل کی گئیں جنہیں تار یا نیڈل سے ایک سے دوسری جگہ منتقل کرکے سرجری کی گئی، ماہرین نے ماں کے پیٹ میں نیڈل کے ذریعے سوئیوں کا اندراج کیا اور پھر ان ہی سوئیوں کی مدد سے بچے کے دماغ کی نسوں کا علاج کیا گیا۔

یہ سرجری کامیاب رہی اور رواں برس 17 مارچ کو 4 پاؤنڈز وزن کے ساتھ ڈینور کولمین کی پیدائش ہوئی۔