مقررہ وقت پر عام انتخابات جمعیت علماءاسلام اور پی ڈی ایم کا مطالبہ ہے، حافظ حمد اللہ
جمعیت علماءاسلام کے مرکزی رہنماءاور پی ڈی ایم کے ترجمان حافظ حمدااللہ نے پاکستان تحریک انصاف کے سربراہ کو کڑی تنقید کا نشانہ بناتے ہوئے کہا ہے کہ پہلے امریکہ سے آزادی اور اب امریکہ کی مدد سے آزادی ، یہ سیاست نہیں بلکہ منافقت ہے اور یہ کھلا تضادہے،سابق وزیراعظم عوام سے کہتے رہے کہ وہ امریکہ کے خلاف جہاد میں ساتھ دیں لیکن اب امریکہ سے اسٹیبلشمنٹ کے خلاف مددکی اپیل کررہے ہیں،وہ قوم کو گمراہ کرتے رہے کہ امریکہ نے ا±ن کی حکومت گرائی ہے مگر اب امریکہ کو کہتے ہیں کہ جنرل باجوہ نے گرائی ہے۔وہ گزشتہ روز کوہاٹ کے نواحی علاقہ بہادرکوٹ میں پیغام اسلام کانفرنس سے خطاب کر رہے تھے۔حافظ حمد اللہ نے پی ٹی آئی کے سربراہ کو مخاطب کرتے ہوئے کہا کہ جب آپ اقتدار میں تھے تو اپوزیشن اور پی ٹی آئی کے ناراض رہنماو¿ں کا امریکیوں سے ملنا غداری تھی مگراب امریکی
کانگریس مین سے ملنا اور اپنے لئے مدد کی بھیک مانگنا کیا یہ غداری نہیں ۔ کیا آپ پاکستان کے معاملات میں امریکہ کو مداخلت کی براہ راست دعوت نہیں دے رہے۔ پی ٹی آئی سربراہ کا ذکرکرتے ہوئے ترجمان پی ڈی ایم کا کہناتھا کہ پاکستان کی 74 سالہ تاریخ میں وہ واحد لیڈر ہے جو امریکہ سے براہ راست مدد مانگ رہا ہے۔حافظ حمداللہ کا مزید کہناتھا کہ جمعیت علماءاسلام نے ہمیشہ پاکستان میں جمہوریت کی مضبوطی کو ترجیح دی ہے۔ ا±ن کا کہنا تھا کہ قومی اسمبلی کی مدت پانچ سال ہے اور مقررہ وقت پر عام انتخابات جمعیت علماءاسلام اور پی ڈی ایم کا مطالبہ ہے۔
انہوں نے کہا پی ڈی ایم نے سیاست کو داو¿ پر لگا کر ریاست کو بچایا ہے ۔آزادی صحافت مقدم ہے لیکن آزادی کی حدود بھی آئین نے بتا دی ہیں۔ ا±نہوں نے کہا کہ جو معاہدے پی ٹی آئی حکومت نے عالمی مالیاتی اداروں کے ساتھ کئے ہیں ان کا خمیازہ غریب عوام بھگت رہے ہیں۔ حافظ حمداللہ نے 9 مئی کے واقعہ میں ملوث تمام کرداروں کو بے نقاب کرنے کا مطالبہ کرتے ہوئے کہا کہ ریاستی اداروں اورقومی املاک کو نقصان پہنچانے اور افواج پاکستان کے شہیدوں کی تضحیک کرنے والوں کا سخت احتساب کرنا ہوگا۔
[…] مقررہ وقت پر عام انتخابات جمعیت علماءاسلام اور پی ڈی ای… […]