جمعیت علماءاسلام کی قیادت کے ہوتے ہوئے ملک کی اسلامی تشخص پر آنچ بھی نہیں آنے دیں گے:حافظ حمداللہ

(ویب ڈیسک)جمعیت علماءاسلام پاکستان کے مرکزی رہنما سینیٹر حضرت مولاناحافظ حمداللہ نے کہاہے کہ ملک کے اسلامی تشخص کی بقا اور نظریاتی سرحدات کی تحفظ کے لئے علماء کو قائدانہ کردار ادا کرنا ہوگااسلام دشمن قوتیں اپنی مذموم عزائم کی تکمیل کیلئے ملک کے کونے کونے میں سرگرم عمل ہے انکی اسلام دشمن اور ملک دشمن سرگرمیوں کو ناکام بنانے کیلئے تفرقات سے بالاتر ہوکر جدوجہد کرناانتہائی ضروری ہیں
ان خیالات کا اظہار انہوں نے گزشتہ روز جمیعت علماءاسلام ضلع گجرات کے زیر اہتمام جامعہ مدنیہ لانمٹبرہ ڈیفنس روڈ پر منعقدہ عظیم الشان علماء کنونشن و جلسہ دستاربندی سے خطاب کرتے ہوئے کہی تقریب سے قاری سہیل احمد عباسی اور دیگر علمائے کرام نے بھی خطاب کیاانہوں نے کہا کہ انہوں نے کہا کہ مجرا نما دھرنے کے بعد وجود میں آنے والا ناجائز حکومت فیشن اور ثقافت کے نام پر ملک میں فحاشی و عریانی کے فروغ کیلئے کام کرنے والوں کی سرپرستی کررہی ہیں علماء کرام کنارہ کشی ترک کرکے میدان عمل میں نکل کر جدوجہد کرے انہوں نے کہا ہے کہ جمعیت علماءاسلام کی قیادت کے ہوتے ہوئے ملک کی اسلامی تشخص پر آنچ بھی نہیں آنے دیں گے