انسانیت کی خدمت کرنے والا اللہ کا دوست ہوتا ہے،مولانا بشیر فاروقی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی میں چیئرمین نعمت اللہ ظہیر اور ان کے ساتھیوں کے اعزاز میں سیلانی ویلفیئر ٹرسٹ کا پروقار استقبالیہ سردار شوکت پوپولزئی کا عصرانہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خدمت خلق فاؤنڈیشن انٹرنیشنل بلوچستانیوں کے لیے اللہ تعالی کا تحفہ ہے۔ مولانا بشیر فاروقی، عارف لاکھانی کا استقبالیہ کے شرکاء سے اظہار خیال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (خصوصی رپورٹ) سیلانی ویلفیئر ٹرسٹ کے سربراہ حضرت مولانا بشیر احمد فاروقی نے کہا ہے۔ کہ اللہ تعالی نے ہر بشر کو خدمت خلق کی توفیق عطا نہیں کی۔ بلکہ انسانیت کی خدمت کے لیے اپنے مخصوص بندے مقرر کر رکھے ہیں۔ بے شک خدمت انسانیت کرنے والا اللہ کا دوست ہے۔ خدمت خلق فاؤنڈیشن انٹرنیشنل اور چیئرمین نعمت اللہ ظہیر، اللہ تعالی کی طرف سے بلوچستان کے عوام کے لیے تحفہ ہیں۔ جبکہ بلوچستان اکنامک فورم کے صدر سردار شوکت پوپلزئی نے چیئرمین نعمت اللہ ظہیر اور ان کی ٹیم کو قازقستان میں بہترین کارکردگی پر مبارکباد پیش کی۔ چیئرمین نعمت اللہ ظہیر کی قیادت میں قازقستان سے واپس آئے والی ٹیم کے اعزاز میں سیلانی ویلفیئر ٹرسٹ کے سربراہ مولانا بشیر احمد فاروقی کی جانب سے خصوصی تقریب کا انعقاد کیا گیا۔ جس میں سیلانی ویلفیئر ٹرسٹ کے ڈائریکٹر عارف لاکھانی اور دیگر موجود تھے۔ جبکہ چیئرمین نعمت اللہ ظہیر کے ہمراہ نیمڈ ایم ایم اے پاکستان کے صدر صاحبزادہ رفیع الدین، حاجی عثمان، باکسر پرنس باری خان بابڑ، سید حیدر علی آغا سیلانی ٹرسٹ کے سربراہ مولانا بشیر احمد فاروقی اور دیگر نے کراچی فیڈریشن ہاؤس آمد پر چیئرمین نعمت اللہ ظہیر اور ان کے ساتھیوں کا پرتپاک استقبال کیا۔ اور انہیں قازقستان میں بہترین کارکردگی پر سیلانی ٹرسٹ کی جانب سے مختلف انعامات و اعزازات سے نوازا۔ اور ان کے اعزاز میں پرتکلف ظہرانہ بھی دیا گیا۔ جبکہ بلوچستان اکنامک فورم کے صدر سردار شوکت پوپلزئی نے بھی چیئرمین نعمت اللہ ظہیر اور ان کے ساتھیوں کے اعزاز میں عصرانہ دیا۔ اور ٹیم کو قازقستان میں بہترین کارکردگی پر خراج تحسین پیش کیا۔اس موقع پر صدارتی تمغہ امتیاز، چیئرمین خدمت خلق فاؤنڈیشن انٹرنیشنل ،معروف عالمی شہرت یافتہ سماجی شخصیت اور ٹیم کے منیجر ” نعمت اللہ ظہیر” نے زبردست پزیرائی اور استقبالیہ پر مولانا بشیر احمد فاروقی ،عارف لاکھانی ،سردار شوکت پوپلزئی کا شکریہ ادا کیا۔اور کہا۔کہان پروگراموں اور عزت افزائی سے ہمارے حوصلے مزید بلند ھوئے ہیں خدمت خلق فاؤنڈیشن انٹرنیشنل خدمت انسانیت کا مشن اور بلوچستان کے نوجوانوں کو ہر شعبے میں سپورٹ کرنے کا عمل جاری رکھے گی۔