کوئٹہ  صوبائی مشیر برائے ایکسائز اینڈ ٹیکسیشن ملک نعیم خان بازئی نے کہا ہے کہ

کوئٹہ  صوبائی مشیر برائے ایکسائز اینڈ ٹیکسیشن ملک نعیم خان بازئی نے کہا ہے کہ عوام کی بلا امتیاز خدمت پر یقین رکھتے ہیں چالیس سالوں سے کامیاب ہونے والوں نے کبھی عوام سے رابطے اور گلیوں میں قدم نہیں رکھا ان خیالات کا اظہار انہوں نے کلی اسٹیشن کچلاک میں شمولیتی تقریب سے خطاب کرتے ہوئے کیا ۔ انہوں نے کہا کہ الیکشن سے قبل عوام سے کہا تھا کہ ان کا خادم ہوں عوام کے مسائل ان کی دہلیزپر حل کروں گا بنیادی سہولتوں کی فراہمی کیلئے ایمانداری سے کوشاں ہوں انہوں نے کہا کہ ماضی میں مذہب اور قوم کے نام پر عوام سے ووٹ لینے والوں نے کبھی دوبارہ عوام سے ا ن کے مسائل مشکلات پر بات کرنا گوارہ نہیں کیا عوام کا مسئلہ پانی بجلی صحت تعلیم کی سہولتوں کی فراہمی ہے آج بھی عوام کو پینے کا پانی تک میسر نہیں ہے انہوں نے کہا کہ باچا خان کے قافلے کا سپاہی ہوں عوام کی بلا امتیاز خدمت پر یقین رکھتے ہیں اب عوام باشعور ہوچکے ہیں چالیس سالوں سے کامیاب ہونے والے نمائندوں نے کبھی ان گلیوں میں آکرعوام سے رابطہ کرکے ان کے مسائل پوچھنا گوارہ نہیں کیا جبکہ دعوے بڑے بڑے کیئے جاتے تھے تقریب سے حاجی آصف کاکڑ حاجی مصدق خان ، باچا ولی و دیگرنے خطاب کرتے ہوئے کہا کہ آج پہلی مرتبہ کسی وزیر نے اس علاقے کا دورہ کیا ہے جبکہ سابقہ نمائندوں نے عوام سے کبھی تعلق نہیں رکھا 18 سال سے کوئی ترقیاتی کام نہیں ہوا جبکہ ملک نعیم خان بازئی کے گھر کے در وازے چوبیس گھنٹے عوام کیلئے کھلے ہوئے ہیں اور ایمانداری سے عوام کے مسائل حل کرنے کیلئے کوشاں ہیں قبل ازیں جلسہ گاہ پہنچنے پرملک نعیم خان بازئی پر گل پاش کی گئی اور شاندار استقبال کیاگیا۔