بیٹا پیدا نہ ہونے پر امام مسجد باپ نے تین ماہ کی بیٹی کو قتل کردیا
پنجاب کے شہر گجرات میں امام مسجد باپ نے بیٹا پیدا نہ ہونے پر 3 ماہ کی بیٹی قتل کردی۔گجرات پولیس کے مطابق قاتل امام مسجد علی احمد کی 2 سال قبل شادی ہوئی تھی اور اکلوتی بیٹی کا باپ تھا۔ سفاک ملزم نے بیوی سے سگی بیٹی چھین کر اسکی آنکھوں کے سامنے ہیڈ کھوکھرنہر میں پھینک دیا۔تھانہ ڈنگہ پولیس کا کہنا ہے کہ گرفتار ملزم بہانے سے اپنی بیوی مریم عائشہ اور3 ماہ کی بیٹی زینب کو نہر کنارے لے گیا۔ ابتدائی تفتیش کے مطابق ملزم نے بیٹا پیدا نہ ہونے کی رنجش میں بچی کو نہر میں پھینک دیئ۔پولیس کا کہنا ہے کہ قاتل باپ علی احمد موجیانوالہ مسجد کا امام ہے جس کے خلاف قتل کا مقدمہ تھانہ ڈنگہ میں درج کر کے گرفتار کر لیا گیا