خواتین کو جائیدادوں کے ملکیتی حقوق فراہم کرکے بااختیار بنانے کی ضرورت ہے، صدر مملکت

خواتین کو جائیدادوں کے ملکیتی حقوق فراہم کرکے بااختیار بنانے کی ضرورت ہے، صدر مملکت

اسلام آباد (ویب ڈیسک) صدر مملکت عارف علوی نے کہاہے کہ خواتین کو جائیدادوں کے ملکیتی حقوق فراہم کرکے بااختیار بنانے کی ضرورت ہے، امید ہے کہ قوانین پر عملدرآمد سے خواتین کو مالی طور پر خودمختار بنانے میں مدد ملے گی ۔صدر مملکت ڈاکٹر عارف علوی کی

زیر صدارت خواتین کے ملکیتی حقوق کے حوالے سے اجلاس ہوا جس میں وزیر قانون و انصاف ، سینیٹر ڈاکٹر محمد فروغ نسیم ، ایم این اے ، ملیکہ علی بخاری نے شرکت کی جبکہ وفاقی محتسب برائے انسداد ہراسیت کشمالہ طارق ، محتسب پنجاب ، نبیلہ علی خان بھی شریک ہوئے ۔اجلاس میں وفاق، پنجاب اور خیبر پختونخواہ کی جانب سے پاس کیے گئے خواتین کے ملکیتی حقوق

کے نفاذ کے ایکٹ پر بریفنگ دی گئی۔صدر مملکت نے کہا کہ خواتین کو جائیدادوں کے ملکیتی حقوق فراہم کرکے بااختیار بنانے کی ضرورت ہے۔ انہوںنے کہاکہ اسلام نے خواتین کو جائیداد کے مالکانہ حقوق دئیے مگر افسوس کہ ملک کے بعض حصوں میں حقوق سے محروم رکھا جا رہا ہے،امید ہے کہ قوانین پر عملدرآمد سے خواتین کو مالی طور پر خودمختار بنانے میں مدد ملے گی ،خواتین کے ملکیتی حقوق کے تحفظ کیلئے وفاقی اور صوبائی محتسب کے اداروں کو مزید مضبوط کرنے کی ضرورت ہے۔ کشمالہ طارق نے کہاکہ وفاقی محتسب برائے انسداد ہراسیت کو

ویمن پراپرٹی رائٹس ایکٹ ، 2020 کے نفاذ کے بعد 116 شکایات موصول ہوئی ۔ محتسب پنجاب نے کہاکہ محتسب پنجاب کو 250 کیس موصول ہوئے ہیں ، ازالے کے لیے سنجیدہ اقدامات کیے جا رہے ہیں۔اجلاس میں میڈیا کے ذریعے آگاہی مہم چلانے ، علماءکی مدد سے لوگوں میں خواتین کے مالکانہ حقوق کے تحفظ بارے آگاہی پیدا کرنے کی ضرورت پر زور دیا ۔