بھارتی گلوکار کو لائیوکنسرٹ میں منہ پر جوتا پڑگیا؟

معروف گلوکار کو لائیوکنسرٹ میں منہ پر جوتا پڑگیا

بولی ووڈ فلم ‘بیڈ نیوز’ کے گانے ‘توبہ توبہ’ سے شہرت پانے والے بھارتی گلوکار کرن اوجلا کو لائیو کنسرٹ میں شائقین نے منہ پر جوتا دے مارا۔انڈین میڈیا کے مطابق ان دنوں کرن اوجلا لندن میں موجود ہیں جہاں انھوں نے پچھلے روزاپنے مداحوں کیلئے میوزک کنسرٹ کا انعقاد کیا، ‘توبہ توبہ’ کے گلوکار کے کنسرٹ میں مداحوں کی بڑی تعداد نے شرکت کی۔اسی کنسرٹ میں کرن اوجلا کی پرفارمنس کے دوران کسی سامعین میں سے 1 شخص نے اسٹیج پر جوتا مارا جو سیدھا گلوکار کے منہ پر جاکر لگا، منہ پر جوتا پڑنے سے کرن اوجلا شدید غصے میں آگئے تھے۔

کرن اوجلا نے سامعین کو جوتا واپس دیا اور برہم ہوتے ہوئے کہا کہ ’’رکو! وہ کون تھا؟ میں آپکو اسٹیج پر آنے کے لیے کہہ رہا ہوں، آئیے ابھی ون ٹو ون کرتے ہیں۔گلوکار نے گالی دیتے ہوئے کہا کہ میں اتنا برا نہیں گا رہا ہوں کہ تُم نے مجھے جوتا دے مارا، اگر آپ میں سے کسی کو مجھ سے یا میری موسیقی سے کوئی مسئلہ ہے تو اسٹیج پر آکر مجھ سے بات کرو۔

انڈین میڈیا کے مطابق رپورٹس کے مطابق اس واقعے کے بعد سکیورٹی اہلکاروں نے کرن اوجلا پر جوتا پھینکنے والے شخص کی شناخت کرکے اُسے کنسرٹ سے باہر نکال دیا تھا جب کہ گلوکار نے اپنی پرفارمنس جاری رکھی۔رپورٹ میں بتایا گیا کہ کرن اوجلا نےانڈیا کے مختلف شہروں میں بھی لائیو کنسرٹس کا اعلان کیا ہے جن میں چنڈی گڑھ، بنگلورو، نئی دہلی، ممبئی، کولکتہ اور جےپور جیسے شہر شامل ہیں۔

آئی فون 16 سیریز کے چاروں ماڈلز کی قیمتیں منظرعام پر آگئیں