ملالہ یوسفزئی کا دس برس بعد دورہ پاکستان۔۔ کب پہچیں گی؟
ملالہ یوسفزئی کا دس برس بعد دورہ پاکستان۔۔ کب پہچیں گی؟
سیکیورٹی ذرائع کے مطابق محکمہ داخلہ سندھ نے ملالہ یوسفزئی کی سیکیورٹی کے سخت انتظامات کرنے کی ہدایت کی ہے، ملالہ کی سیکیورٹی کیلئے پولیس کا خصوصی یونٹ اقدامات کر رہا ہے۔
پاکستانی خواتین کی تعلیم کے حوالے سے دنیا بھر میں سرگرم اور نوبل امن انعام یافتہ ملالہ یوسفزئی 12 اکتوبر کو وطن واپس پہنچ رہی ہیں۔
یاد رہے کہ 2012ء میں سوات میں طالبان کی جانب سے حملے میں زخمی ہونے کے بعد ملالہ یوسفزئی بیرون ملک چلی گئی تھیں۔ جس کے بعد وہ پہلی مرتبہ پاکستان واپس آ رہی ہیں۔
ملالہ یوسفزئی بیرون ملک سے کراچی پہنچیں گی جہاں سے انہیں سخت حفاظتی انتظامات کے تحت دادو میں سیلاب سے متاثرہ علاقوں کا دورہ کروایا جائے گا۔ملالہ یوسفزئی ممکنہ طور پر ملالہ فنڈ سے بھی سیلاب متاثرین کی مدد کریں گی۔
ملالہ یوسفزئی کی پاکستان آمد کے موقع پر آئی ایس او پیز کے تحت فول پروف سیکیورٹی کے انتظامات کو یقینی بنانے کا حکم دیا گیا ہے۔