پاکستانی باولرزنے آسڑیلوی بیٹنگ کی دھجیاں اڑادیں،کینگروز 35 اووز میں 163 رنز بنا کرآوٹ
دوسرے ون ڈے میچ میں آسٹریلوی ٹیم پاکستانی باولرز کے سامنے ٹک نہ سکی،آسڑیلوی بیٹرز 50 اوورز نہ کھیل سکے اور پوری ٹیم 35 اوورز میں 163 رنز بنا کر آل آوٹ ہوگئی۔ایڈیلیڈ میں آج دوسرے ون ڈے میچ میں پاکستان نے آسٹریلیا کے خلاف ٹاس جیت کر بولنگ کا فیصلہ کیا ہے۔پاکستان نے میچ میں اچھا آغاز کیا اور آسٹریلیا کی پہلی وکٹ 21 رنز پرحاصل کر لی جب جیک فریزر مکگرک کو 13 رنز پر شاہین آفریدی نے آؤٹ کیا۔آسٹریلیا کی دوسری وکٹ 41 رنز پر گری، میتھیو شارٹ کو 19رنز پر شاہین آفریدی نے آؤٹ کیا۔آسٹریلیاکی تیسری وکٹ 79 رنز پرگری،جوش انگلیس 18 رنزبناکر آؤٹ ہوئے،چوتھی وکٹ 87 رنز پرگری، مارنس لبوشین صرف 6 رنز بناسکے،پانچویں وکٹ 101 رنز پرگری،اسٹیو اسمتھ 35 رنز بناکر آؤٹ ہوئے۔چھٹی وکٹ 121 رنز پر گری،ایرون ہارڈی 14 رنز بناکر آؤٹ ہوئے آسٹریلیاکی ساتویں وکٹ 129،آٹھویں وکٹ 130 رنز پر گری،گلین میکسویل 16،مچل اسٹارک 1 رن بناکر آؤٹ ہوئے،جبکہ آسٹریلوی ٹیم کی آخری نویں وکٹ 146رنز پر گری، پیٹ کمنز 13 رنز بناکر آؤٹ ہوئے۔