پاک فوج کا شاندار کارنامہ! بھارت کے 77 ڈرونز کو تباہ کر دیا

اسلام آباد (8 مئی 2025): پاک فوج نے بھارت کی جارحیت کا منہ توڑ جواب دیتے ہوئے بھارتی فوج کے 77 ڈرونز کو مار گرایا ہے۔ سیکیورٹی ذرائع کے مطابق، 8 مئی کی شام تک 29 بھارتی ڈرونز کو تباہ کیا گیا، جبکہ گزشتہ رات سے لے کر آج دن تک مزید 48 ڈرونز کو گرایا گیا۔

پاکستانی افواج نے بھارتی ڈرونز کی مسلسل پروازوں کا سخت جواب دیتے ہوئے دشمن کی فضائی کارروائیوں کو ناکام بنایا ہے۔ سیکیورٹی ذرائع کا کہنا ہے کہ پاک فوج کی حکمت عملی اور جدید دفاعی نظام کے باعث بھارتی فوج کو شدید دھچکا پہنچا ہے۔

پاک فوج کی جانب سے اس شاندار کامیابی پر ماہرین کا کہنا ہے کہ یہ ایک بہت بڑی آپریشنل کامیابی ہے، جس سے دشمن کی فضائی سرگرمیوں کو سخت نقصان پہنچا ہے۔

پاکستانی افواج مسلسل بھارت کی جارحیت کا جواب دے رہی ہیں اور دشمن کی ہر سازش کو ناکام بنانے میں کامیاب ہو رہی ہیں۔