بلوچستان کے طلبہ کےلیے رزروڈ نشستوں پر اپلائی کرنے کے طریقہ کار کے متعلق ایک آگاہی سیشن منعقد

مورخہ 8 اگست 2021 کو ایس ایس ایف کی جانب سے مختلف یونیورسٹیوں میں جاری آنلائن رجسٹریشن، نیشنل ایم ڈی کیٹ کمپیوٹرائزڈ ٹیسٹ اور ڈائریکٹریٹ بلوچستان کے زریعہ بلوچستان کے طلبہ کےلیے رزروڈ نشستوں پر اپلائی کرنے کے طریقہ کار کے متعلق ایک آگاہی سیشن منعقد کیا گیا.

سیو اسٹوڈنٹس فیوچر کی جانب سے منعقدہ تقریب میں اسٹیج کے فرائض تنظیم کے رکن بانک عالیہ بلوچ نے سر انجام دیئے جبکہ آگاہی دیوان کے مقررین تنظیم کے چیئرمین فضل یعقوب بلوچ اور وائس چیئرمین نعمان بلوچ تھے.

ایس ایس ایف کے آگاہی تقریب میں انٹر میڈیٹ کالجز، میڈیکل کالجز و یونیورسٹیوں میں داخلہ کے خواہشمند طالب علموں نے کثیر تعداد میں شرکت کی.

تقریب میں نیشنل ایم ڈی کیٹ کمپیوٹرائزڈ ٹیسٹ، مختلف یونیورسٹیوں میں جاری آنلائن رجسٹریشن کے طریقہ کار کے بارے میں تفصیل سے رہنمائی کرنے کے ساتھ ساتھ ٹیسٹ اور رجسٹریشن کا ڈیمو باقاعدہ ملٹی میڈیا پر ڈسپلے کرکے دکھائے گئے.

اس کے ساتھ ہی بلوچستان ڈائریکٹریٹ کالجز کے زریعہ بلوچستان کے طلباء و طالبات کےلیے انٹرمیڈیٹ، بیچلرز اور ماسٹرز کےلیے اپلائی کرنے کے طریقہ کار کے بارے میں تفصیل سے آگاہی دی گئی.

آخر میں طلباء و طالبات کی مذکورہ عنوان کے متعلق تمام کنفیوژن، انکو درپیش مسائل اور تذبذب کو کلیر کیا گئیا اور تنظیم کی جانب سے انہیں ہمیشہ علمی میدان میں رہنمائی کی یقین دہانی کی گئی.