عدالت نے حافظ سعد رضوی اور مولانا اشرف جلالی کو سزا سنادی

0 378

عدالت نے حافظ سعد رضوی اور مولانا اشرف جلالی کو سزا سنادی

 

نیدرلینڈز کی عدالت نے تحریک لبیک یا رسول اللہ کے قائد مولانا اشرف جلالی اور سربراہ تحریک لبیک پاکستان حافظ سعد رضوی کو قید کی سزا سنا دی۔غیرملکی میڈیا کے مطابق، ڈچ عدالت نے دونوں پاکستانی رہنماوں کو گستاخانہ خاکوں کے مقابلے کا اعلان کرنیوالے اسلام مخالف ڈچ سیاست دان گیرٹ وائلڈرز کے قتل پر اکسانے کے الزام میں سزا سنائی ہے۔ عدالت نے مولانا اشرف جلالی کو چودہ سال اور حافظ سعد رضوی کو چار سال قید کی سزا سنائی۔

 

علی امین گنڈا پور کہاں ہیں، تازہ ترین اطلاع سامنے آ گئی

دونوں رہنماوں کیخلاف گیرٹ وائلڈرز کے قتل کا فتویٰ دینے کا مقدمہ کیا گیا تھا جو کہ انکی غیرموجودگی میں عدالت میں چلایا گیا اور سزا بھی انکی غیر موجودگی میں سنائی گئی۔ تاہم پاکستان اور نیدرلینڈز کے درمیان مجرموں یا قیدیوں کے تبادلے کا کوئی معاہدہ نہیں ہے،

لہٰذا ڈچ عدالت کا فیصلہ پاکستان میں موجود دونوں رہنماوں پر ناقابل اطلاق ہے۔نیدرلینڈز میں برسراقتدار جماعت اور دائیں بازو کے اسلام مخالف ڈچ رکن پارلیمنٹ گیرٹ وائلڈرز نے سعد رضوی اور مولانا اشرف جلالی کیخلاف عدالت میں درخواست دائر کی تھی کہ اور مولانا اشرف جلالی اور سعد رضوی نے توہین رسالت کے الزام میں انکے قتل پر لوگوں کو اکسایا۔

 

قبل ازیں، تین ستمبر کو ایمسٹرڈیم میں قائم عدالت میں حافظ سعد رضوی اور مولانا اشرف جلالی کیخلاف اپنے پیروکاروں کو اسلام مخالف ڈچ سیاستدان گیرٹ وائلڈرز کے قتل پر اکسانے کے الزام میں مقدمے کی سماعت کی گئی تھی۔مقدمے کی سماعت کے دوران وکلا نے عدالت سے مولانا اشرف جلالی اور سعد رضوی کو چودہ سال قید سنانے کی استدعا کی تھی۔ ڈچ عدالت کیجانب سے نو ستمبر کو اس مقدمے کا فیصلہ سنائے جانے کا امکان ظاہر کیا گیا تھا۔

ملازمین کی موجیں لگ گئیں، اب ہفتے میں 3 چھٹیاں ہونگی

 

غیر ملکی میڈیا کے مطابق، مذکورہ معاملے پر 1 خط میں ڈچ حکومت نے پارلیمنٹ کو بتایا تھا کہ ملزمان کی حوالگی کے حوالے سے پاکستان سے متعدد بار درخواست کی گئی لیکن پاکستانی حکومت کوئی جواب نہیں دیا، ڈچ حکومت اس معاملے پر پاکستان پر زور دیتی رہیگی.واضح رہے کہ گیرٹ وائلڈرز نے 2018ئ میں توہین ا?میز خاکوں کے ایک متنازعہ مقابلے کے انعقاد کا اعلان کیا تھا تاہم دنیا بھر میں مسلمانوں کیجانب سے شدید ردعمل اور احتجاج کے بعد اس نے یہ مقابلہ منسوخ کردیا تھا، تاہم اگلے برس گیرٹ وائلڈرز نے دوبارہ متنازعہ مقابلے کا اعلان کیا تھا۔ پچھلے سال ڈچ عدالت نے پاکستان کے سابق کرکٹر خالد لطیف کیخلاف لوگوں کو گیرٹ وائلڈرز کے قتل پر اکسانے کے الزام میں انکی غیرموجودگی میں مقدمہ چلایا تھا اور انہیں بارہ سال قید کی سزا سنائی تھی۔

سپریم کورٹ سے بھی چوری ہوگئی

You might also like

Leave A Reply

Your email address will not be published.