بارش کب ہوگی؟محمکہ موسمیات نے خوشخبری سنادی

بارش کب ہوگی؟محمکہ موسمیات نے خوشخبری سنادی
لاہور سمیت پنجاب کے کئی شہروں، خطہ پوٹھوہار، کشمیر، گلگت بلتستان، خیبرپختونخوا اور شمالی، مغربی بلوچستان میں ا?ج بارش اور برفباری کا امکان ہے۔

این ڈی ایم اے کے مطابق بلوچستان کے 13 اضلاع کے لئے الرٹ بھی جاری کر دیا گیا ہے، پنجاب، خیبرپختونخوا کے میدانی علاقوں اور بالائی سندھ میں دھند کی شدت میں کمی متوقع ہے۔ محکمہ موسمیات کے مطابق بارش اور برفباری کا سلسلہ 3 روز تک وقفے وقفے سے جاری رہنے کا امکان ہے۔

لاہور کا درجہ حرارت 4 سے 6 سینٹی گریڈ کے درمیان رہنے کا امکان ہے۔ این ڈی ایم اے نے ملک کے بیشتر حصوں میں بارش اور برفباری کی پیشگوئی کے مطابق کسی بھی ممکنہ صورتحال سے نمٹنے کےلئے تیاری کے لئے اقدامات پر مبنی ایک تفصیلی ایڈوائزری جاری کی، جس میں صوبوں اور متعلقہ اداروں کو مشورہ دیا گیا ہے کہ مسافروں اور سیاحوں کیساتھ ساتھ موسمی خطرے کے علاقوں کی ا?بادیوں کو بڑے پیمانے پر ا?گاہی دینے اور باخبر رکھنے کے لئے مربوط اقدامات یقینی بنائے جائیں۔

ترجمان محکمہ موسمیات کے مطابق بدھ کو لاہور، سرگودھا، میانوالی، خوشاب، لیہ، بھکر، فیصل ا?باد، ٹوبہ ٹیک سنگھ، جھنگ، گوجرانوالہ، گجرات، حافظ ا?باد، سیالکوٹ، نارووال، شیخوپورہ، ننکانہ صاحب، قصور، ساہیوال اور اوکاڑہ میں بارش کی توقع ہے۔ مری، گلیات اور گردونواح میں درمیانی سے شدید برفباری، بارش کا امکان ہے۔