شاپنگ پلازہ میں لگی آگ پر 7 گھنٹے بعد قابو پالیا گیا،آگ کسیے لگی جاننے کیلئے لنک پر کلک کریں

لاہور(ویب ڈیسک)لاہور کے علاقے گلبرک میں شاپنگ پلازہ میں لگی آگ پر سات گھنٹے بعد قابو پا لیا گیا، پلازے کے تمام فلورز پر آگ بجھا دی گئی ہے جبکہ پلازے میں کولنگ کا عمل جاری ہے۔ امدادی آپریشن میں 20 گاڑیوں اور 60 ریسکیو ورکرز نے حصہ لیا۔اس حوالے سے مزید بتایا گیا ہے کہ ریسکیو آپریشن میں رکاوٹ ڈالنے پر پلازے کے سیکیورٹی انچارج کو گرفتار کرلیا گیا

۔وزیر اعلی پنجاب سردار عثمان بزدار نے گلبرگ کے پلازہ میں آتشزدگی کے واقعے کی انکوائری کا حکم دے دیا اور کہا کہ آتشزدگی کے واقعہ کی تحقیقات کر کے رپورٹ پیش کی جائے، آتشزدگی کی وجوہات کا تعین کیا جائے، کمشنر لاہور اور ڈی جی ریسکیو 1122 امدادی سرگرمیوں کی خود نگرانی کریں۔یاد رہے لاہور کے علاقے گلبرگ میں واقعہ شاپنگ سینٹر میں خوفناک آگ رات گئے لگی، جس نے دیکھتے ہی دیکھتے پورے پلازے کو اپنی لپیٹ میں لے لیا۔شاپنگ پلازہ میں تقریبا 400

دکانیں اور راہداریوں میں لاتعداد کانٹرز تھے۔ زیادہ تر دکانیں الیکٹرانکس، موبائل فونز، اور ریڈیمیڈ گارمنٹس کی تھیں۔ آگ لگنے سے شعلے آسمان تک بلند ہوتے رہے۔اطلاع ملنے پر ریسکیو کی امدادی ٹیمیں موقع پر پہنچ گئیں۔ تاجروں نے آگ لگنے کا ذمہ دار انتظامیہ کو قرار دے دیا ہے۔