بہت سارے راز ہیں جو میرے سینے میں دفن ہیں،‘ فردوس عاشق اعوان

بہت سارے راز ہیں جو میرے سینے میں دفن ہیں،‘ فردوس عاشق اعوان

لاہور( ویب ڈیسک) سابق معاون خصوصی فردوس عاشق اعوان نے کہا ہے کہ بہت سارے راز ہیں جو میرے سینے میں دفن ہیں،بد قسمتی سے معاشی عدم استحکام کے ساتھ سیاسی عدم استحکام بھی نظر آرہا ہے ،پی ٹی آئی کو باہر سے کوئی خطرہ نہیں بلکہ پی ٹی آئی کو پی ٹی آئی سے خطرہ ہے ،وزیراعظم کے ارد گرد ٹولے ناتجربہ کار اور مفاد پرست ہے، ہو تو خریدار آتا ہی ہے،ٹرافیاں اور سرٹیفکیٹ میچ ختم ہونے کے بعد دئیے جاتے ہیں۔ نجی ٹی وی سے گفتگو کرتے ہوئے

انہوں نے کہا کہ کوشش کی کہ بد ترین صورتحال میں بہترین پرفارمنس دوں ،شاید لیڈر شپ کو مجھ سے بہتر کی تلاش تھی۔ بہت سارے راز ہیں جو اس وقت میرے سینے میں دفن ہیں ۔ خان کے اردگرد جو لوگ ہیں وہ کہیں نہ کہیں نا تجربہ کاری کی وجہ سے ذاتی مفاد کی وجہ سے پارٹی کے مفادات کو ذاتی خواہشات کی بھینٹ چڑھا رہے ہیں۔وفاق اور پنجاب کا ایک ہی گینگ اور گروہ تھا او رمائنڈ سیٹ تھا جو وفاق میں سازشوںمیں مصروف تھے وہ پنجاب میں تھے۔ انہوں ے کہا کہ

زیادہ بولنا نہیں بلکہ سچ بولنا ، حقائق سامنے لانا مشکلات کاباعث بنے، پی ٹی آئی کی بہت ساری قیادت جونامور عہدوں پر ہیں وہ میری تحریک انصاف میںشمولیت کے مخالف تھے ۔ انہوں نے کہا کہ پی ٹی آئی کے جتنے ترجمان ہیں اتنی ہی کنفیوژن بڑھی ہے ،جو چور ہیں وہ صاف بن کر بیٹھے ہیں۔ انہوں نے کہا کہ نا دان مشیر خان صاحب کو اس نہج پر لے آئے ہیں، سرٹیفکیٹ او ر ٹرافیاں میچ ختم ہونے کے بعد دی جاتی ہیں ،یہ ضروری کام نہیںتھا اس سے حکومت کا اپنا گورننس سٹرکچر کمزور ہوا ہے ۔