کامران مائیکل کے خلاف کیس کی سماعت 21 مئی تک ملتوی

کراچی چیف جسٹس سندھ ہائی کورٹ نے سابق وفاقی وزیر کامران مائیکل کی گرفتاری کے خلاف درخواست پرسماعت کے دوران نیب پراسیکیوٹر کیساتھ مکالمہ کرتے ہوئے کہا کہ تمہیں ایک ہفتہ جیل میں رہنا پڑجائے تو پتہ چلے قید کیا ہوتی ہے۔تفصیلات کے مطابقچیف جسٹس سندھ ہائی کورٹ کی سربراہی میں سابق وفاقی وزیر کامران مائیکل کی گرفتاری کے خلاف درخواست پرسماعت ہوئی۔نیب پراسیکیوٹر نے سماعت کے دوران کہا کہ درخواست کی استدعا میں ترمیم کرکے نئی درخواست دائر کردی ہے، عدالت نے آئی او سے مکالمہ کرتے ہوئے کہا کہ ملزم کے خلاف کیا مواد ہے؟۔تفتیشی افسر نے بتایا کہ کچھ بینک اکا ونٹس کی دستاویزات ہیں لیکن اس وقت موجود نہیں ہیں، رمضان کے بعد تک کی مہلت دے دی جائے۔چیف جسٹس سندھ ہائی کورٹ نے ریمارکس دیے کہ تمہیں ایک ہفتہ جیل میں رہنا پڑجائے تو پتہ چلے قید کیا ہوتی ہے۔بعدازاں سندھ ہائی کورٹ نے سابق وفاقی وزیر کامران مائیکل کے خلاف درخواست پرسماعت 21 مئی تک کے لیے ملتوی کردی۔