کوئٹہ بلوچستان کے وکلاء تنظیموں نے جسٹس قاضی فائز عیسیٰ ریفرنس کے خلاف بلوچستان ہائی کورٹ کے سامنے دھرنا دیا

کوئٹہ بلوچستان کے وکلاء تنظیموں نے جسٹس قاضی فائز عیسیٰ ریفرنس کے خلاف بلوچستان ہائی کورٹ کے سامنے دھرنا دیا اور کوئٹہ سمیت بلوچستان بھر میں عدالتی کارروائی کابائیکاٹ کیا گیا وکلاء عدالتوں میں پیش نہیں ہوئے وکلاء کی جانب سے ہائی کورٹ کے احاطے میں قاضی فائز عیسیٰ کی حق اور حکومت مخالف نعرے لگائے گئے تفصیلات کے مطابق بلوچستان کے وکلاء تنظیموں نے وفاقی حکومت کی جانب سے سپریم کورٹ میں جسٹس قاضی فائز عیسیٰ کے خلاف ریفرنس کے سلسلے میں بلوچستان ہائی کورٹ کے احاطے میں دھرنا دیا اور وفاقی حکومت کے خلاف شدید نعرہ بازی کی گئی وکلاء نے ریفرنس کے خلاف عدالتی کارروائی کابائیکاٹ کیا جس کی وجہ سے وکلاء عدالتوں میں پیش نہیں ہوئے وکلاء رہنمائوں نے خطاب کرتے ہوئے کہا کہ اگر وفاقی حکومت نے جسٹس قاجی فائز عیسیٰ کے خلاف ریفرنس واپس نہ لیا گیا تو ہم سخت اقدام اٹھانے پر مجبورہونگے جس کی تمام تر ذمہ داری موجودہ وفاقی حکومت پرعائد ہوگی وکلاء نے جب بھی عدلیہ کی آزادی کیلئے تحریک شروع کی ہے ان کو منطقی انجام تک پہنچا یا ہے کیونکہ عدلیہ کی آزادی کیلئے ہم پہلے بھی قربانیاں دی اور آئندہ بھی دیتے رہیں گے انہوں نے کہا کہ وکلاء نے عدالتوں کا بائیکاٹ کر کے یہ ثابت کر دیا کہ عدلیہ کے خلاف جب بھی کوئی سازش ہوتی ہے تو بلوچستا ن کے وکلاء نے ہمیشہ سازش کو ناکام بنا یا ہے اور آئندہ بھی کوئی سازش کی گئی تو سخت اقدام اٹھانے پر مجبور ہونگے مختلف بارز کی جانب سے احتجاجی بینرز لگائے گئے جس میں جسٹس قاضی فائز عیسی کے خلاف ریفرنس واپس لینے کا مطالبہ کیا گیا ہے سپریم کورٹ بار نے جسٹس قاضی فائز عیسی کے معاملے پر ہڑتال کی کال دے رکھی ہے بلوچستان بار کے چیئرمین ایگزیکٹو کمیٹی راحب بلیدی کے مطابق جسٹس قاضی فائز عیسی کے خلاف ریفرنس کے معاملے پر صوبے بھر میں وکلا کی جانب سے عدالتی کارروائی کا بائیکاٹ کیا گیا اور عدالتوں میں پیش نہیں ہوئے ۔