انفراسٹرکچر کی بہتری سے ہی صوبہ ترقی کی جانب گامزن ہوگا ،صوبائی سیکرٹری مواصلات
کوئٹہ(ویب ڈیسک )صوبائی سیکرٹری مواصلات و تعمیرات علی اکبر بلوچ کی زیر صدارت خضدار زون میں شامل خضدار ڈویژن کے جاری ترقیاتی منصوبوں پر پیش رفت سے متعلق جاہزہ اجلاس منعقد ہوا اجلاس میں چیف انجینئر ڈیزائن ڈاکٹر سجاد بلوچ ٹیکنیکل ایڈوائزر مختیار کاکڑ چیف انجینئر بلڈنگ چیف انجینئر روڈز خضدار زون کے علاوہ دیگر حکام بھی موجود تھے اس موقع پر اجلاس کو خضدار ڈویژن میں جاری تمام جاری ترقیاتی منصوبوں پر پیش رفت سے متعلق تفصیلی بریفنگ دی گئی اس موقع پر سیکریٹری مواصلات و تعمیرات علی اکبر بلوچ نے جاری ترقیاتی منصوبوں کو جلد ازجلد مکمل کرنے کی ہدایت کرتے ہوئے کہا کہ صوبے میں انفراسٹرکچر کی بہتری ہماری اولین ترجیحات میں شامل ہیں
خضدار ڈویژن میں شامل تمام جاری ترقیاتی منصوبوں کی بروقت تکمیل سے ان اضلاع پر مثبت اثرات مرتب ہونے کے ساتھ ساتھ ان علاقوں کی پسماندگی دور کرنے میں خاطر خواہ مدد ملے گی انہوں نے کہا کہ انفراسٹرکچر کی بہتری سے ہی صوبہ ترقی کی جانب گامزن ہوگا انہوں نے ہدایت کی کہ اہم نوعیت کے تمام منصوبوں پر کام کی رفتار کو مزید تیز کیا جائے اسطرح کے دیگر ترقیاتی منصوبوں کو بھی بروقت مکمل کیا جائے تاکہ عوام ان منصوبوں کے ثمرات سے مستفید ہو سکیں سیکرٹری مواصلات و تعمیرات نے مزید کہا کہ ان منصوبوں کی تکمیل سے صوبے میں ترقی اور خوشحالی کا ایک نیا دور شروع ہوگا انفراسٹرکچر کی بہتری سے عوام اور صوبے پر مثبت اثرات مرتب ہونگے سیکرٹری مواصلات و تعمیرات نے کہا صوبے میں جاری تمام منصوبوں پر معیار اور شفافیت اولین ترجیح ہونی چاہیے موجودہ صوبائی حکومت کی بھی یہ اولین ترجیح ہے کہ صوبے میں ترقیاتی منصوبوں
کا جال بچھایا جائے اس حوالے سے صوبائی وزیر مواصلات و تعمیرات سردار عبدالرحمن کھیتران کے یہ واضح ہدایات ہیں کہ صوبے میں جاری ترقیاتی منصوبوں کو اپنے وقت مقررہ پر مکمل کیے جائیں تاکہ صوبے کی پسماندگی دور کرنے میں مدد مل سکے سیکرٹری مواصلات و تعمیرات نے کہا کہ صوبے بھر میں بنیادی ڈھانچے کی بہتری کے لیے مثر اقدامات کیے جائیں صوبے کی ترقی کیلئے موجودہ حکومت وزیراعلی بلوچستان میر عبدالقدوس بزنجو کی قیادت میں تمام تر وسائل بروئے کار لا رہی ہے سیکریٹری مواصلات و تعمیرات نے کہا کہ صوبے میں انفراسٹرکچر کی بہتری کیلئے اربوں روپے کی لاگت سے ترقیاتی منصوبوں پر تیزی سے کام جاری ہے جن کی تکمیل سے علاقے میں ترقی اور خوشحالی آئے گی۔