راولپنڈی اسلام آباد سمیت ملک کے مختلف حصوں میں بارشیں اور برفباری، سردی کی شدت میں اضافہ

اسلام آباد: راولپنڈی اسلام آباد سمیت ملک کے مختلف حصوں میں بارشوں اور پہاڑی علاقوں میں برفباری کے باعث سردی کی شدت میں اضافہ ہوگیا جبکہ پہاڑی علاقوں میں شدید برفباری سے کئی رابطہ سڑکیں بند ہوگئیں۔وفاقی دارالحکومت اسلام آباد میں ہفتے کی صبح سیاہ بادل چھائے رہے اور ہلکی بارش بھی ہوئی جس سے سردی کی شدت میں اضافہ ہوا۔ شہر اقتدار کا درجہ حرارت آج زیادہ سے زیادہ 15 ڈگری سینٹی گریڈ تک جا سکتا ہے۔ہفتے کی صبح پنجاب میں لاہور، وہاڑی میلسی، بورے والا اور گردونواح میں بارش ہوئی جس سے سردی کی شدت میں اضافہ ہوگیا۔محکمہ موسمیات کے مطابق راولپنڈی، جہلم، گجرات، گوجرانوالہ، لاہورا ورسیالکوٹ کے اضلاع میں چند مقامات پر گرج چمک کے ساتھ بارش ہو سکتی ہے۔خیبرپختونخوا میں مالاکنڈ، دیر، سوات، چترال، ایبٹ آباد، ہری پور، مانسہرہ اور مردان چند مقامات پر بارش اور پہاڑوں پر برفباری کا امکان ہے۔صوبہ سندھ کے اور بلوچستان کے بیشتر اضلاع میں موسم خشک رہے گا بالائی و مشرقی اضلاع میں مطلع جزوی ابرآلود رہے گا۔کراچی میں صبح کے وقت درجہ حرارت 18 ڈگری سینٹی گریڈ ریکارڈ کیا گیا جو زیادہ سے زیادہ 29 تک جا سکتا ہے۔محکمہ موسمیات کیمطابق برسات کا حالیہ سلسلہ میدائی علاقوں میں سوموار تک اور پہاڑی علاقوں میں آئندہ بھی جاری رہے گا۔