چیف جسٹس کیخلاف توہین آمیز تقریر کے ملزم مسعود عباسی کی رہائی کا حکم

اسلام آباد(ویب ڈیسک)اسلام آباد ہائی کورٹ نے چیف جسٹس پاکستان کے خلاف توہین آمیز تقریر کرنے والے پیپلز پارٹی کے رہنما مسعود الرحمن عباسی کو رہا کرنے کا حکم دے دیا۔

چیف جسٹس اطہر من اللہ نے استفسار کیا کہ کونسا دہشت گردی سے متعلق ملزم نے جرم کیا ہے ؟ کونسا بم پھوڑنے کا ملزم نے کہا ہے؟۔ اسلام آباد ہائی کورٹ نے پانچ ہزار روپے کے مچلکے کے عوض ملزم مسعود الرحمن عباسی کی ضمانت بعد از گرفتاری منظور کرتے ہوئے رہا کرنے کا حکم دے دیا۔

اسلام آباد ہائی کورٹ میں چیف جسٹس پاکستان اور عدلیہ کے خلاف توہین ا?میز تقریر پر گرفتار ملزم کی درخواست ضمانت پر سماعت ہوئی۔ ڈپٹی اٹارنی جنرل سید طیب شاہ نے بتایا کہ پاکستان الیکٹرانک کرائم ایکٹ کی دفعات لگائی گئی ہیں۔

مسعود الرحمان عباسی کی توہین ا?میز تقریر پر سپریم کورٹ نے اس سال جون میں از خود نوٹس لیا تھا۔ پولیس نے سپریم کورٹ کے ازخود نوٹس کے تناظر میں مقدمہ درج کر کے مسعود الرحمان عباسی کو گرفتار کیا۔ مسعود الرحمان عباسی گرفتاری کے بعد اڈیالہ جیل میں قید ہیں۔