بل گیٹس کی موسمیاتی تبدیلی سے متعلق تشویشناک پیشگوئی

0 74

بل گیٹس کی موسمیاتی تبدیلی سے متعلق تشویشناک پیشگوئی

مائیکرو سافٹ کے شریک بانی بل گیٹس نے مستقبل کے حوالے سے پیشگوئی کی ہے کہ دنیا بڑھتے درجہ حرارت کو محدود رکھنے کا ہدف حاصل نہیں کر سکے گی۔

انہوں نے کہا کہ موسمیاتی تبدیلی کے حوالے سے ناقص کوششوں کی وجہ سے انسانی حالات میں بہتری کے لیے ہونے والی پیشرفت بھی سست رفتار ہوگئی ہے۔ دنیا کے کچھ حصوں میں 10 فیصد سے زیادہ بچے 5 سال کی عمر تک پہنچنے سے قبل ہی ہلاک ہوجاتے ہیں جبکہ 30 فیصد سے زیادہ افراد کو مناسب مقدار میں خوراک دستیاب نہیں۔

بل گیٹس نے کہا کہ تمام تر حالات کے باوجود مجھے اب بھی یقین ہے کہ ہم بھیانک نتائج سے بچ سکتے ہیں۔

غیر ملکی خبر رساں ایجنسی کے مطابق 2015 میں پیرس میں ہونے والے ماحولیاتی معاہدے میں دنیا بھر کے رہنماو¿ں نے عالمی درجہ حرارت میں اضافے کو 1.5 ڈگری سینٹی گریڈ تک محدود رکھنے پر اتفاق کیا تھا تاہم اب اس کو برقرار رکھنا مشکل ہے۔
بل گیٹس نے کہا کہ ہم درجہ حرارت کے 1.5 ڈگری سینٹی گریڈ کے ہدف کو حاصل نہیں کرسکیں گے مگر اس حوالے سے ہونے والے کام میں کافی تیزی ا?ئی ہے اور اس سے قبل کہا بھی تھا کہ درجہ حرارت میں اضافے کو 1.5 ڈگری سینٹی گریڈ تک محدود رکھنے کا ہدف حاصل کرنا لگ بھگ ناممکن ہے۔

You might also like

Leave A Reply

Your email address will not be published.