فواد خان اور عالیہ بھٹ اہم بات چیت

برلن(ویب ڈیسک)عالیہ بھٹ اپنی آنے والی فلم ’’گنگو بائی کاٹھیا واڑی‘‘ کے پریمیئر کے سلسلے میں ان دنوں برلن میں موجود ہیں۔ جہاں 72 ویں انٹرنیشنل برلن فلم فیسٹیول میں ان کی فلم کا ورلڈ پریمیئر ہوگا۔

عالیہ بھٹ نے کہا فواد خان نے فنکارانہ اور ثقافتی لحاظ سے بطور اداکار سینما میں جو اثرات چھوڑے ہیں ان کے بارے میں بات کرتے ہوئے الفاظ کم پڑجاتے ہیں۔ فواد خان کے ساتھ کام کرنا شاندار تجربہ تھا، بطور فنکار میں نے ان سے بہت کچھ سیکھا۔

عالیہ بھٹ نے کہا ان کے نزدیک موسیقی، اداکاری، ثقافت اور فن کی کوئی سرحد نہیں۔ جو دل کو چھو جاتا ہے وہی ہم پسند کرتے ہیں۔

عالیہ بھٹ نے اپنے پاکستانی مداحوں کے لیے پیغام دیا کہ اپنے کیریئر کی شروعات سے ہی میں آپ لوگوں کا سپورٹ دیکھتی آرہی ہوں۔ میرے والد مہیش بھٹ نے مجھے کہا تھا کہ پاکستان میں تمہارے بہت سارے چاہنے والے ہیں انہیں ہمیشہ پیار دینا۔ لہذا میں پاکستانیوں سے ملنے والی محبت کی ہمیشہ شکرگزار ہوں۔