کرائسٹ چرچ دہشتگردی،وزیراعظم کا بہادر پاکستانی نعیم راشدکیلئے قومی ایوارڈ کا اعلان

اسلام آباد وزیراعظم عمران خان نے وزیراعظم عمران خان نے نیوزی لینڈ کی مساجد پر دہشت گرد حملے کے دوران حملہ آور کو روکنے کی کوشش کے دوران شہید ہونے والے پاکستانی شہری نعیم راشد کے لیے قومی ایوارڈ کا اعلان کرتے ہوئے کہا ہے کہ نعیم راشد کی ہمت اورحوصلے پرقومی ایوارڈ دیا جائے گا، ہم متاثرین کے خاندان کی مدد کے لیے تیار ہیں۔تفصیلات کے مطابق وزیراعظم عمران خان نے نعیم راشد کے لیے قومی ایوارڈ کا اعلان کرتے ہوئے کہا کہ میاں نعیم راشد پرپاکستان کو فخر ہے۔وزیراعظم نے سماجی رابطے کی ویب سائٹ ٹویٹر پر اپنے پیغام میں کہا کہ نعیم راشد سفید فام دہشت گرد کو روکتے ہوئے شہید ہوئے، ان کے ہمت اورحوصلے پرقومی ایوارڈ دیا جائے گا۔عمران خان نے کہا کہ کرائسٹ چرچ دہشت گردی سے متاثرپاکستانی خاندان کے ساتھ ہیں، ہم متاثرین کے خاندان کی مدد کے لیے تیار ہیں۔