روس،لڑاکا طیارہ رہائشی عمارت سے ٹکرا کر تباہ، 13 افراد ہلاک

ماسکو:(انٹرنیشنل ڈسک)گلوبل ٹائمز میڈیا یورپ کے مطابق مغربی روس میں لڑاکا طیار ہ رہائشی عمارت سے ٹکرا گیا جس کے نتیجے میں 13 افراد ہلاک ہوگئے۔سی این این کے مطابق واقعہ مغربی روس کے شہر ییسک میں پیش آیا جہاں ایک لڑاکا طیارے ایس یو 34 میں تربیتی پرواز کے دوران انجن میں آگ بھڑک اٹھی۔میڈیا رپورٹس میں بتایا گیا ہے کہ طیارے کے انجن میں آگ لگنے

کے بعد پائلٹ جہاز سے نکلنے میں کامیاب ہوگیا تاہم طیارہ رہائشی عمارت سے جا ٹکرایا جس کے نتیجے میں 13 افراد ہلاک ہوگئے۔رپورٹس کے مطابق طیارے کے ٹکرانے سے عمارت کو آگ لگ گئی جس نے درجنوں فلیٹوں کو اپنی لپیٹ میں لے لیا جبکہ مرنے والوں میں بچے بھی شامل ہیں۔