پاکستان میں کتنے رجسٹرڈ ووٹرز ہیں؟ اعدادوشمار جاری
پاکستان میں کتنے رجسٹرڈ ووٹرز ہیں؟ اعدادوشمار جاری
الیکشن کمیشن آف پاکستان نے ووٹرز کے اعدادو شمار جاری کر دیئے جس کے مطابق ملک بھر میں آئندہ عام انتخابات کے لئے مجموعی طور پر 12 کروڑ 85 لاکھ 85 ہزار 760 رجسٹرڈ ووٹرز ہیں۔الیکشن کمیشن آف پاکستان کی جانب سے جاری کر دہ اعدادو شمار کے مطابق مجموعی طور پر مرد ووٹرز کی تعداد 6 کروڑ 92 لاکھ 63 ہزار 704 ہے جبکہ مجموعی طور پر خواتین ووٹرز کی تعداد 5 کروڑ 93 لاکھ 22 ہزار 56 ہے۔ مرد ووٹرز کا تناسب 53 اعشاریہ 87 فیصد جبکہ 46 اعشاریہ 13 فیصد خواتین ووٹرز کی نمائندگی ہے۔ اسلام آباد میں کل ووٹرز کی تعداد 10 لاکھ 83 ہزار 29 ہے۔یاد رہے الیکشن کمیشن آف پاکستان نے عام انتخابات کا شیڈول جاری کیا
جس کے تحت ملک بھر میں عام انتخابات 8 فروری 2024 کو منعقد ہوں گے۔الیکشن کمیشن کی جانب سے جاری اعلامیے کے مطابق 19 دسمبر کو ریٹرننگ افسران نوٹس جاری کریں گے، جس کے بعد 20 سے 22 دسمبر تک امیدوار کاغذات نامزدگی جمع کراسکیں گے اور 23 دسمبر تک امیدواروں کے ناموں کی فہرست جاری کی جائے گی۔اس حوالے سے بتایا گیا کہ یکم جنوری سے 24 سے 30 دسمبر تک ریٹرننگ افسران کاغذات نامزدگی کی جانچ پڑتال کریں گے اور 3 جنوری 2024 کو کاغذات کی منظوری اور مسترد ہونے پر اپیلوں کی سماعت ہو گی۔اعلامیے کے مطابق الیکشن کمیشن 10 جنوری 2024 کو اپیلوں پر اپیلیٹ اتھارٹی کے فیصلوں کا آخری روز ہوگا
اور 11 جنوری 2024 کو امیدواروں کی نظرثانی فہرست جاری کی جائے گی۔بیان میں کہا گیا کہ 12 جنوری 2024 کو کاغذات نامزدگی واپس لینے کی آخری تاریخ ہوگی اور 13 جنوری 2024 کو امیدواروں کو انتخابی نشان الاٹ ہوں گے جس کے بعد 8 فروری 2024 بروز جمعرات کو عام انتخابات ہوں گے۔خواتین اور اقلیتوں کی مخصوص نشستوں کے ساتھ ساتھ چاروں صوبوں کی صوبائی نشستوں کے لیے بھی اسی شیڈول کا اطلاق ہوگا۔الیکشن کمیشن آف پاکستان نے
ریٹرننگ افسران کی ٹریننگ کا شیڈول بھی جاری کیا۔الیکشن کمیشن سے جاری اعلامیے کے مطابق سپریم کورٹ کے 15 دسمبر 2023 کو جاری احکامات کی روشنی میں ریٹرننگ افسران کی ٹریننگ کا عمل بحال کیا جارہا ہے۔انہوں نے کہا کہ ریٹرننگ افسران کی ٹریننگ 17 اور 18 دسمبر 2023 کو ہو گی جبکہ ڈسٹرکٹ ریٹرننگ افسران کی ٹریننگ 19 دسمبر 2023 کو ہو گی۔واضح رہے کہ الیکشن کمیشن نے لاہور ہائی کورٹ کے حکم پر ڈسٹرکٹ ریٹرننگ افسران اور ریٹرننگ افسران کی ٹریننگ روک دی تھی جس کے سبب انتخابات کے 8 فروری کے انعقاد پر خطرہ منڈلانے لگا تھا۔
[…] پاکستان میں کتنے رجسٹرڈ ووٹرز ہیں؟ اعدادوشمار جاری […]