لاپتہ افراد کے نام پرنوٹنکی لگانے والے دنیا کے سامنے بے نقاب ہو گئے ،جان اچکزئی
کوئٹہ ( سٹی رپورٹر)بلوچستان کے نگراں وزیر اطلاعات جان اچکزئی نے کہا ہے کہ مسلح افواج نے پاکستان کی سلامتی اور خود مختاری کو چیلنج کرنے والے عناصر کو بھرپور جواب دیا ہے پاک فوج کے سر براہ جنرل عاصم منیر کی قیادت میں پاک فوج نے پوری قوم کا سر فخر سے بلند کردیا ہے لاپتہ افراد کے نام پر اسلام آباد میں دھرنا دینے والی ماہ رنگ بلوچ بے نقاب ہوچکی ہے یہ لوگ قومی اداروں کو بدنام کرنا چاہتے ہیں ایران کے حملے کے بعد ایک سیاسی جماعت اور یورپ و امریکہ میں بیٹھے ہوئے لوگوں نے غلط حرکتیں کیں وہ قابل مذمت ہےں ۔
ان خیالات کا اظہار انہوں نے جمعہ کو سول سیکرٹریٹ میں میڈیا کو بریفننگ دیتے ہوئے کیا۔ جان اچکزئی نے کہا کہ پوری قوم اور خاص کر اہل بلوچستان پاک فوج کے تہہ دل سے شکرگزار ہیں۔پاک فوج کے سربراہ جنرل سید عاصم منیر کے اس ایکشن سے بھارت کی دہشت گردی کا نیٹ ورک بے نقاب ہوگیا اسلام آباد میں گمشدہ بلوچوں کی نوٹنکی لگانے والے میر جعفر بری طرح بے نقاب ہوگئے ہیں اسلام آباد میں بلوچ خواتین کا بھارت میں تیار ہونے والا ڈرامہ بری طرح فلاپ ہوگیا ہم بار بار کہہ رہے تھے کہ مسنگ پرسنز کا مسئلہ حل ہورہا ہے ماہ رنگ بلوچ پاکستانی عوام کو گمراہ کرنے کی کوشش میں خودبے نقاب ہوگئی ایران میں مرنے والے دہشتگردوں کے
لواحقین اسلام آباد کے کیمپ میں موجود ہیں جب علیحدگی پسند اور دہشتگرد تنظیموں کے افراد ایران میں بھارت سے ساز باز کرکے پاکستان کے خلاف سازشیں کررہے تھے تو ماہ رنگ ڈرامہ کررہی تھیں کہ یہ افراد مسنگ ہیں ماہ رنگ بلوچ کبھی مجھ پر اور کبھی نگران وزیراعظم انوارالحق کاکڑ پر الزام لگاتی تھی کہ ان افراد کو کچھ ہوا تواس کی ذمہ داری میرے پر یا نگران وزیراعظم پر ہوگی ماہ رنگ بلوچ اور اس کے سہولت کار بھی اپنے قومی اداروں اور فورسز کو بدنام کرنے پر پیش پیش تھے بلوچستان میں دشمن قوتیں اندرونی خلفشار پیدا کرنے میں ناکامی کے بعد بیرونی مداخلت کی کوشش کررہی تھی دشمن کبھی اپنی سازشوں میں کامیاب نہیں ہوگا۔جان اچکزئی نے کہا کہ اسلام آباد میں اپنے مارچ کے دوران ماہ رنگ اور اس کی ساتھی خواتین مزید ایکسپوز ہوگئی ہیں اسلام آباد میں بلوچستان کے عوام اور بلوچوں سے لازوال محبت دیکھنے میں آئی جسے ان خواتین نے ایکسپوز کرنے کی کوشش کی بھارت نواز ایجنڈے نے ماہ رنگ کی حقیقت عوام کے سامنے کھول کر رکھ دی جب عوام نے پاکستان کی خاطر قربانیاں دینے والے شہدا کے لواحقین کو دیکھا تو انہیں ساری صورتحال کا ادراک ہوا بھارت کے ہاتھوں میں کھیلنے والے بلوچ بھائیوں کو عام معافی دلواکر قومی دھارے میں لارہے ہیں مزید علیحدگی پسند جلد قومی دھارے میں آنے والے ہیں ایران اور ماہ رنگ بلوچ نے بھی پاکستان کے جوابی حملہ میں دہشتگردوں کے مارے جانے کی تصدیق کی ہے ایران کے حملے کے بعد ایک سیاسی جماعت اور یورپ، و امریکہ میں بیٹھے ہوئے لوگوں نے جو حرکتیں کیں وہ قابل مذمت ہے۔