بلوچستان: حالیہ بارشوں سے مختلف واقعات میں 10 افراد جاں بحق

بلوچستان: حالیہ بارشوں سے مختلف واقعات میں 10 افراد جاں بحق، 31 زخمیصوبہ بلوچستان میں حالیہ بارشوں سے مختلف واقعات میں دس افراد جاں بحق جب کہ 31 زخمی ہوگئے۔حالیہ بارشوں سے صوبہ بلوچستان کے مختلف اضلاع میں ہونے والے نقصانات پر صوبائی ڈیزاسٹر مینجمنٹ اتھارٹی

(پی ڈی ایم اے) نے رپورٹ جاری کر دی۔رپورٹ کے مطابق صوبے میں مون سون بارشوں سے کئی اضلاع میں جانی و مالی نقصانات ہوئے، حالیہ بارشوں کے دوران ساتھ جون سے ابتک دس افراد جاں بحق ہوئے، چھتیں اور دیواریں گرنے سمیت مختلف واقعات میں 31 افراد زخمی ہوئے۔پی

ڈی ایم اے رپورٹ میں کہا گیا کہ جاں بحق اور زخمیوں میں بچے بھی شامل ہیں، بارشوں کے دوران صوبے کے مختلف اضلاع میں 89 مکانات مکمل جب کہ 1سو70 کو جزوی نقصان پہنچا، بارشوں کے دوران مجموعی طور پر 1799 افراد متاثر ہوئے۔رپورٹ کے مطابق بارشوں سے سترہ(17) کلومیٹر سڑکیں جبکہ 310 ایکڑ زرعی زمینیں متاثر ہوئیں۔پی ڈی ایم اے کا کہنا ہے کہ صوبہ بلوچستان میں مون سون بارشوں کے دوران ڈیمزکی صورتحال نارمل ہے، بلوچستان میں بارشوں سے متاثرہ اضلاع میں پی ڈی ایم اے اور ضلعی انتظامیہ کی جانب سے امداد ی سرگرمیاں جاری ہیں۔