این سی او سی کا اجلاس، کورونا کی بگڑتی صورتحال پر اہم فیصلے

این سی او سی کا اجلاس، کورونا کی بگڑتی صورتحال پر اہم فیصلے

اسلام آباد ( ویب ڈیسک)مسجد اور عبادت گاہوں میں 6 فٹ کا فاصلہ رکھا جائے گا۔نمازیوں کے لیے ماسک پہننا لازمی قرار دیا گیا ہے۔مساجد اور عبادتگاہوں سے قالین اور دریاں ہٹانے کی بھی ہدایت کی گئی ہے۔ برزگ اور بیمار افراد ترجیحاَ گھر پر نماز ادا کریں۔ نمازی وضو کرکے مسجد جائیں۔کھلی جگہوں پر نماز پڑھنے کا اہتمام کیا جائے۔

این سی او سی نے جمعے کا خطبہ مختصر رکھنے کی بھی ہدایت کی۔

خیال رہے کہ پاکستان کورونا مریضوں کے حوالے سے مرتب کی گئی فہرست میں 42 ویں نمبر پر آگیا،6540نئے کیسز رپورٹ ،شرح 11 فیصد سے زائد ہوگئی ، چوبیس گھنٹوں میں مزید بارہ افراد چل بسے ،1119مریض شفایاب ہوگئے۔نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 6 ہزار 540 کیسز سامنے آئے ہیں، مزید 12 مریض اس موذی وباء کے سامنے زندگی کی بازی ہار گئے، اس کے مزید 1 ہزار 119 مریض شفایاب ہو گئے، مثبت کیسز کی

شرح 11 اعشاریہ 10 فیصد پر آ گئی۔
پاکستان بھر میں اب تک 29 ہزار 77 کورونا وائرس کے مریض انتقال کر چکے ہیں جبکہ اس موذی وائرس کے کٴْل مریضوں کی تعداد 13 لاکھ 60 ہزار 19 ہو چکی ہے۔ ملک بھر میں ہسپتالوں، قرنطینہ سینٹرز، وینٹی لیٹرز اور گھروں میں کورونا وائرس کے 63 ہزار 344 زیرِ علاج مریضوں میں سے 1 ہزار 55 کی حالت تشویش ناک ہے، جبکہ 12 لاکھ 67 ہزار 598 مریض اب تک اس بیماری سے شفایاب ہو چکے ہیں۔
گزشتہ 24 گھنٹوں میں ملک میں کورونا وائرس کے مزید 58 ہزار 902 ٹیسٹ کیئے گئے، جبکہ اب تک کٴْل 2 کروڑ 44 لاکھ 74 ہزار 618 کورونا ٹیسٹ کیئے جا چکے ہیں۔