آرمی چیف نے وزیر اعظم کو بیرسٹر گوہر سےملاقات سے آگاہ کیا، وزیر دفاع

وزیر دفاع خواجہ آصف کا کہنا ہے کہ پاکستان تحریک انصاف (پی ٹی آئی) کے چیئرمین بیرسٹر گوہر سے کیا بات چیت ہوئی، آرمی چیف جنرل عاصم منیر نے وزیراعظم شہباز شریف کو آگاہ کیا ہے۔خواجہ آصف نے بیان میں کہا کہ بیرسٹرگوہر نے آرمی چیف سے ملاقات کے حوالے سے پہلے ایک بیان دیا بعد میں دوسرا، ان کی آرمی چیف سے کوئی سیاسی گفتگو نہیں ہوئی۔وزیر دفاع نے بتایا کہ وزیراعظم کو بیرسٹرگوہر اورآرمی چیف کی ملاقات کا علم ہے اور آرمی چیف نے بیرسٹرگوہر سے ملاقات کے حوالے سے وزیراعظم کوآگاہ کیا۔ان کا کہنا تھا کہ بیرسٹرگوہرسےکیا بات چیت ہوئی؟ آرمی چیف نے وزیراعظم کوآگاہ کیا ہے۔واضح رہے کہ 16 جنوری کو اڈیالہ جیل میں بانی پی ٹی آئی عمران خان نے پارٹی چیئرمین بیرسٹر گوہر کی آرمی چیف سے پشاور میں ملاقات کی تصدیق کی تھی۔قبل ازیں بیرسٹر گوہر آرمی چیف سے ملاقات کی مسلسل تردید کرر ہے تھے۔