کوہلوصوبائی وزیر صحت میر نصیب اللہ خان مری نے گزشتہ روز کوہلو میں
کوہلوصوبائی وزیر صحت میر نصیب اللہ خان مری نے گزشتہ روز کوہلو میں ڈپٹی کمشنر منورحسین کے ہمراہ کھلی کچہری کا انعقاد کیا ہے جس میں عوام نے بڑی تعداد میں شرکت کرکے اپنے مسائل بیان کئے ہیں جنہیں صوبائی وزیر صحت نے ہنگامی بنیادوں پر حل کرنے کی یقین دہانی کی ہے میر نصیب اللہ مری نے اس موقع پر گفتگو کرتے ہوئے کہا کہ عوام کے مسائل ترجیح بنیادوں پر حل کرنے کی کوشش کررہا ہوں عوامی نمائندہ ہوں عوام کے درمیان بیٹھ کر خوشی ہوتی ہے صوبے سمیت کوہلو میں بیروزگاری کو جلد ختم کریں گے کوہلو کے خالی اسامیوں پر میرٹ کے مطابق تعلیم یافتہ نوجوانوں کو روزگار فراہم کروں گا ضلع کے خالی اسامیوں پرماضی میں پیسے لیکر دوسرے علاقوں کے امیدواروں کو بھرتی کیا گیا ہے جس پر افسوس ہے عوام کے لئے ترقیاتی کاموں کاجال بچھا رہے ہیںوزیر اعلیٰ جام کمال خان کی قیادت میں صوبے میں حقیقی معنوں میں تبدیلی کے ثمرات عوام تک پہنچنا شروع ہوگئے ہیں صوبائی وزیر صحت میر نصیب اللہ مری نے کھلی کچہری میں محکمہ صحت کے خالی اسامیوں پر میرٹ کے مطابق کامیاب ہونے والے کئی امیدواروں کوتعیناتی کے آرڈر بھی دیئے اوربعد ازاں نادرآفس کا دورہ کیا خواتین سٹاف نہ ہونے پر برہمی کا اظہارکرتے ہوئے فوری خواتین کے لئے فیمیل سٹاف تعینات کرنے کے لئے ڈی جی نادرا کو کہا ہے ۔