پشین ، جوڈیشل کمپلیکس میں شجر کاری مہم ،ججز نے پودے لگا دیئے

پشین (محب ترین سے ) شجرکاری مہم 2024 موسم بہار کے سلسلہ میں جوڈیشل کمپلیکس پشین میں ڈسٹرکٹ اینڈ سیشن جج عبدالوحید بادینی نے پودہ لگاکر مہم کا باقاعدہ افتتاح کردیا۔بعد ایڈیشنل سیشن جج اسماء مشتاق ، جوڈیشل مجسٹریٹس اصغر خان ، انور مینگل اور محمد رحمان سمیت بلوچستان بار ایسوسی ایشن کے عہدیدار سینئر ایڈوکیٹ امان اللہ کاکڑ نے بھی پودے لگائے۔۔ اس موقع پر ڈسٹرکٹ بار ایسوسی ایشن پشین کے ممبران بھی موجود تھے۔فاضل ججز نے شجرکاری مہم کے موقع پر کہا کہ درخت لگانا سنت نبوی ﷺاور صدقہ جاریہ ہے ، انہوں نے کہا کہ آنیوالی نسلوں کے مستقبل کو محفوظ بنانے کیلئے زیادہ سے زیادہ درخت لگائے جائیں۔