استعفوں کی تصدیق کےلئے پی ٹی آئی کی حکمت عملی سامنے آگئی
استعفوں کی تصدیق کےلئے پی ٹی آئی کی حکمت عملی سامنے آگئی
پی ٹی آئی ذرائع کا کہنا ہے کہ ممبران اسمبلی کو شرکت یقینی بنانے کیلئے پیغام پہنچا دیا گیا۔
ذرائع کے مطابق اسپیکر کے سامنے پیش ہونے سے پہلے کے پی ہاؤس اسلام آباد میں اجلاس ہوگا، ارکان ممکنہ طور پر شاہ محمود قریشی کی سربراہی میں پارلیمنٹ جائیں گے۔
ذرائع کا کہنا ہے کہ پی ٹی آئی ارکان ایک ساتھ اسپیکر کے روبرو مستعفی ہونے کی تصدیق کریں گے، پی ٹی آئی ارکان اسمبلی کل کے پی ہاؤس اسلام آباد میں جمع ہوں گے۔
قومی اسمبلی سے استعفوں کی تصدیق کیلئے کے پی ہاؤس میں پی ٹی آئی ممبران کی گنتی کے بعد انہیں اسمبلی پہنچایا جائے گا، شاہ محمود قریشی ارکان کو لے کر اسپیکر کے سامنے پیش ہوں گے۔