شام پر چڑھائی، کینیڈا نے ترکی کو اسلحہ کی سپلائی پر پابندی میں توسیع کر دی

انتاریو: شام میں ترکی کی فوجی کارروائی کے رد عمل میں کینیڈا نے اعلان کیا ہے کہ ترکی کو ہتھیاروں کی نئی برآمدات پر عاید کی گئی پابندی غیر معینہ مدت کے لیے بڑھا دی گئی ہے۔کینیڈا کے’ CBC News’ چینل کے مطابق ترک فوج کی جانب سے شمالی شام پر حملہ کرنے کے بعد کینیڈا نے گذشتہ موسم خزاں میں ترکی کو اسلحہ کی برآمدات پرپر پابندی عاید کردی تھی۔ اب اس میں غیرمعینہ مدت کے لیے توسیع کردی گئی ہے۔کینیڈا کے عالمی سطح پراسلحہ ایکسپورٹ کنٹرول ڈویڑن کے ڈپٹی ڈائریکٹر چارلس میری میٹ نے ایک ای میل میں کہا ہے کہ ترکی کو اسلحہ کی سپلائی کی بحالی غیر معینہ مدت کے لیے معطل کر دی گئی ہے۔تْرکی کینیڈا کی حکومت کے “قابل اعتماد” ممالک کی فہرست میں شامل رہا ہے، جہاں کینیڈا کے دفاعی ٹھیکیدار محفوظ طریقے سے کاروبار کرتے رہے ہیں اور جدید ترین اسلحہ بیچ سکتے ہیں۔ تاہم نئے نوٹیفکیشن سے یہ واضح ہو گیا ہے کہ ترکی کو کچھ فوجی ساز و سامان نہیں دیا جائے گا۔ جن کمپنیوں کے پاس یہ سامان ہے وہ ترکی کو فروخت کرنے کی اجازت کے لیے درخواست نہیں دے سکیں گی۔اس قرارداد میں متعلقہ اشیاء￿ میں گولہ بارود، ہلکے ہتھیار، شیلڈز، حفاظتی سامان، الیکٹرانکس اور دیگر شامل ہیں۔ ترکی نے کہا ہے کہ اگر واشنگٹن قیمت مناسب کرے تو وہ امریکی ساختہ “پیٹریاٹ” ایئر ڈیفنس میزائل سسٹم خریدنے کے لیے تیار ہے۔