ایرانی صدر رئیسی کے ہیلی کاپٹر کریش ہونے کی اصل وجہ سامنے آگئی

ایرانی صدر رئیسی کے ہیلی کاپٹر کریش ہونے کی اصل وجہ سامنے آگئی

ایرانی رکن پارلیمنٹ احمد بخشائیش اردستانی نے دعویٰ کیا ہے کہ رواں برس مئی میں ایران کے سابق صدر ابراہیم رئیسی کا ھیلی کاپٹر پیجر پھٹنے سے کریش ہوگیا تھا۔آج نیوزکی رپورٹ کے مطابق ایرانی رکن پارلیمنٹ کا بیان ایسے وقت پر سامنے آیا ہے جب اسرائیل نے لبنان میں حزب اللہ کے کمیونیکشن نیٹ ورک کو ہائی جیک کرکے انکے زیر استعمال پیجر کو دھماکے سے اڑا دیا

جسکے نتیجے میں بچوں اور خواتین سمیت گیارہ افراد جاں بحق اور 2500 سے زائد لوگ زخمی ہوگئے تھے۔ واضح رہے کہ مئی کے وسط میں مشرقی آذر بائیجان صوبے میں ایرانی صدرابراہیم رئیسی کے ھیلی کاپٹر کو حادثہ پیش آیا تھا جس میں ابراہیم رئیسی، وزیر خارجہ امیر عبداللہیان، مشرقی آذر بائیجان کے گورنر مالک رحمتی، تبریز کے امام سید محمد الہاشم، صدر کے سیکیورٹی یونٹ کے کمانڈر سردار سید مہدی موسوی سمیت بارڈی گارڈ اور ہیلی کاپٹر عملہ جاں بحق ہوگئے تھے۔

ٹک ٹاک صارفین کیلئے خوشخبری

بعدازاں ایرانی حکام نے تحقیقات کے بعد تصدیق کی تھی کہ ایرانی صدر کے ہیلی کاپٹر کو کسی نے نشانہ نہیں بنایا بلکہ وہ موسم کی خرابی کے باعث حادثے کا شکار ہوا۔اب اس معاملے پر ایرانی رکن پارلیمنٹ احمد بخشائیش اردستانی ایرانی خبر رساں اداروں کو بتایا کہ ہیلی کاپٹر حادثے میں ایران کے صدرابراہیم رئیسی کی ہلاکت میں ایک ممکنہ وجہ ان کا پیجر کا دھماکہ بھی ہوسکتا ہے۔

انھوں نے مزید کہا کہ سابق ایرانی صدر رئیسی ایک پیجر استعمال کرتے تھے، اگرچہ ان کے پیچر کی قسم حزب اللہ کے زیر استعمال پیجرسے مختلف ہوسکتی ہے۔ تاہم، ہیلی کاپٹر کے حادثے میں پیجر دھماکہ نظر انداز نہیں کیا جاسکتا۔انھوں نے مزید اشارہ کیا کہ ایران نے پیجرز کی خریداری میں کردار ادا کیا۔ انہوں نے مزید کہا کہ ”( ایرانی افواج) نے یقینی طور پر حزب اللہ کے پیجرز کی خریداری میں کردار ادا کیا ہے اور اس لئے ہماری اپنی انٹیلی جنس ایجنسیوں کو بھی اس معاملے کی تحقیقات کرنی چاہئیں

سرکاری ملازمین کیلئےبڑی خوشخبری،تنخواہوں میں اضافہ ہوگیا