چین میں کورونا مزید 150 زندگیاں نگل گیا

بیجنگ (این این آئی)چین میں کورونا وائرس سے مزید 150 افراد ہلاک ہوگئے۔ جبکہ گزشتہ 24 گھنٹوں کے دوران مزید 409 نئے کیسز کی تصدیق ہوئی ہے۔میڈیارپورٹس کے مطابق چین کے نیشنل ہیلتھ کمیشن نے بتایاکہ چین میں اب تک کورونا وائرس کے 77 ہزار 150 کیسز کی تصدیق ہوچکی ہے اور اس وائرس سے چین بھر میں اموات کی تعداد 2 ہزار 592 تک پہنچ گئی ہے۔امریکی میڈیا کاکہنا تھا کہ چین کے علاوہ دیگر ملکوں میں کوروناوائرس سے اموات کی تعداد 27 ہوگئی ہے۔چین سمیت دنیابھرمیں کوروناوائرس سے اموات کی تعداد 2 ہزار 619تک پہنچ گئی ہے۔دوسری جانب اس وباء کا تازہ شکار ایران ہے جہاں اب تک 8 اموات رپورٹ ہوچکی ہیں۔