حکومت عوام کو ڈپریشن سے نکالنے کیلئے تفریحی کے مواقع پیدا کرے ‘ راگنی

لاہور گلوکارہ راگنی نے کہا ہے کہ موجودہ حالات میں جب عوام مختلف مسائل کی وجہ سے ڈپریشن کا شکار ہیں حکومت کو تفریحی کے مواقع پیدا کرنے کیلئے اقدامات اٹھانے چاہئیں ‘ اس طرح کے پروگراموں جہاں پر لوگوں کو مل بیٹھنے کا موقع ملتا ہے اس سے قوم کو مزید مضبوط بنانے میںبھی مدد ملتی ہے ۔ اپنے ایک انٹر ویو میں راگنی نے کہا کہ میں تو ہمیشہ یہی کہتی ہوں کہ پاکستان ہے تو ہم سب ہیں ، اس لئے سب کو اسکے بارے میں سوچنا چاہیے اور اسکی ترقی اور خوشحالی کے لئے ہاتھ آنے والا کوئی موقع ضائع نہیں کرنا چاہیے ۔ انہوں نے کہا کہ ہم انفرادی طور پر اپنے ملک کی ترقی و خوشحالی کے بارے میں سوچنا شروع کر دیں گے تو یہ اجتماعی سوچ بھی بن جائے گی ۔